سالىق كىرىستەرى مەن مەملەكەتتىك بيۋدجەتتى قالىپتاستىرۋدىڭ نەگىزگى كوزدەرىنىڭ ءبىرى – ەكونوميكاداعى شيكىزات سەكتورىنىڭ ەكسپورتتىق ءتۇسىمى. وسىعان بايلانىستى تەڭگە باعامىنىڭ وزگەرۋى مەملەكەتكە ەكونوميكانى دامىتۋداعى بۇرىن جوسپارلانعان باعدارلامالاردى ورىنداۋ بويىنشا بۇرىن قابىلدانعان شارالاردى جۇزەگە اسىرۋعا مۇمكىندىك بەرەدى. شيكىزات سەكتورىنداعى ءىرى كومپانيا وكىلدەرىنىڭ اتىنان جانە ءوز تاراپىمىزدان ءبىز سياقتى كومپانيالار ەكونوميكانىڭ قوزعاۋشى كۇشى بولىپ تابىلاتىنىن اتاپ وتكىمىز كەلەدى. وسى شارا جىلدىق جۇمىس باعدارلامالارىن ورىنداۋ ماقساتىندا قازاقستاندىق نارىقتاعى تاۋار جانە قىزمەت وندىرۋشىلەرىنە سۇرانىس سانىن ارتتىرۋعا, تۇراقتى نەگىزدە جەرگىلىكتى بىلىكتى مامانداردى تارتۋعا مۇمكىندىك بەرەدى. بۇل ءوز كەزەگىندە مەملەكەت ەكونوميكاسىنىڭ ودان ءارى دامۋىنا جالپى وڭ اسەرىن تيگىزۋى كەرەك. بۇل شارا الەمدەگى ءالى باسىلماعان داعدارىس كەزەڭىندە ۇكىمەتتىڭ دۇرىس قادامى بولىپ تابىلماق.
سەرىكجان سەيىتجانوۆ,
«ساۋتس ويل» جشس پرەزيدەنتى.
ماڭعىستاۋ وبلىسى.