ءسوز جوق, دوللار باعامىنىڭ ءوسۋى ءبىرىنشى كەزەكتە جابدىقتار مەن شيكىزات يمپورتتايتىن كاسىپورىندار مەن ءوندىرىستىڭ باسقا دا فاكتورلارىنا اسەر ەتەدى. ءبىزدىڭ كاسىپورىندا شەتەلدە شىعارىلعان كوپتەگەن جابدىقتار بار. بىراق ولار ەسكى باعامەن الىنعان.
بۇدان شىعاتىن قورىتىندى سول: كاسىپورىندا قازاقستاندىق مازمۇن نەعۇرلىم كوبىرەك بولسا دوللارعا قاتىستى تەڭگە باعامىنىڭ تومەندەۋىنەن دە سول كاسىپورىن ۇتىسقا شىعاتىن بولادى. بۇگىندە ءبىز ورىن العان جاعدايدى باسشىلىققا الا وتىرىپ, شەتەلدىك ارىپتەستەرىمىزبەن بايلانىسۋدامىز جانە ءوزىمىزدىڭ كوممەرتسيالىق ۇسىنىستارىمىزدى جاڭارتۋ ۇستىندەمىز.
كەلىسىمشارتتىڭ قانداي ۆاليۋتادا جاسالعانى دا ماڭىزدى ءرول وينايدى. ءبىزدىڭ كاسىپورىندار كوبىنە-كوپ ەكسپورتتىق كەلىسىمشارتتاردى ساتىپ الۋشىنىڭ ۆاليۋتاسىمەن نەمەسە دوللارمەن جاسايدى. ال ەگەر كەلىسىمشارتتار تەڭگەمەن جاسالعان بولسا, وندا ءسىزدىڭ ونىمدەرىڭىز دوللاردا نەمەسە باسقا دا ۆاليۋتادا نەعۇرلىم باسەكەگە قابىلەتتى بولا تۇسەدى.
ولەگ كرۋگ,
«كازەنەرگوكابەل» اق-تىڭ باس ديرەكتورى.
استانا.