رەسپۋبليكامىزدىڭ جەكەلەگەن اۋماعىندا قاتتى اياز بولادى

بۇگىن, سينوپتيكتەردىڭ مالىمدەۋىنشە, ەلىمىزدىڭ وڭتۇستىگى مەن وڭتۇستىك شىعىسىندا قاتتى اياز بولادى. بۇل تۋرالى Meta.kz حابارلادى. وسى كۇنى تۇندە الماتى, جامبىل مەن وڭتۇستىك قازاقستان وبلىستارىنىڭ كەي جەرلەرىندە قاتتى اياز جانە تۇمان بولۋى ىقتيمال. بولجام بويىنشا, اتموسفەرالىق اعىندارعا بايلانىستى ەلىمىزدىڭ سولتۇستىك بولىگىندە قار جاۋادى. اتىراۋ, قوستاناي مەن سولتۇستىك قازاقستان وبلىستارىنىڭ دا كەي جەرلەرىندە تۇمان بولۋى مۇمكىن. الماتى وبلىسىنىڭ وڭتۇستىك شىعىسىنان سوعاتىن جەلدىڭ ەكپىنى سەكۋندىنا 15-20 مەترگە دەيىن جەتەدى. Gazeta.kz حابارلاعانداي, اقتوبە وبلىسىنداعى تاسوتكەل اۋىلىنىڭ تۇرعىندارى ءۇش اپتادان بەرى قاردىڭ قالىڭ تۇسكەندىگىنەن, اۋدان ورتالىعىنا شىعا الماي وتىر. قاتىناس بولماعاسىن, دۇكەن سورەلەرىندەگى ازىق-ت ۇلىك تە تاۋسىلعان ەكەن. اۋا رايىن بولجايتىن ماماندار بۇل وڭىرگە قاردىڭ جاۋاتىنىن الدىن الا ايتقانىمەن, جول قاتىناسى ءالى كۇنگە دەيىن رەتكە كەلتىرىلمەگەن. ءامىرحان الماعانبەتوۆ. دەرەككوز: Meta.kz, Gazeta.kz. فوتو:  lentaru.net.