2021 جىلدىڭ قاڭتار-قىركۇيەك ايلارىندا مەملەكەتتىك بيۋدجەتكە سالىقتىق ءتۇسىم بويىنشا جوسپار 103,8%-عا ورىندالدى. جانە وتكەن جىلدىڭ ۇقساس كەزەڭىمەن سالىستىرعاندا 30,8%-عا نەمەسە 1 775,7 ملرد تەڭگەگە ءوستى, دەپ حابارلايدى Egemen.kz كىرىستەر كوميتەتىنە سىلتەمە جاساپ.
ونىڭ ىشىندە:
- رەسپۋبليكالىق بيۋدجەت 100,4%-عا ورىندالىپ (جوسپار بويىنشا 4 898,9 ملرد.تەڭگە, جوسپاردان 21,6 ملرد. تەڭگەگە اۋىتقۋمەن 4 920,6 ملرد. تەڭگە ءتۇستى), وتكەن جىلدىڭ ۇقساس كەزەڭىمەن سالىستىرعاندا 36,6%-عا نەمەسە 1 319,2 ملرد. تەڭگەگە وستى;
- جەرگىلىكتى بيۋدجەت 110,7%-عا ورىندالىپ (جوسپار بويىنشا 2 364,8 ملرد.تەڭگە, جوسپاردان 252,9 ملرد. تەڭگەگە اۋىتقۋمەن 2 617,7 ملرد. تەڭگە ءتۇستى), 2020 جىلدىڭ ۇقساس كەزەڭىمەن سالىستىرعاندا 21,1%-عا نەمەسە 456,5 ملرد. تەڭگەگە وستى.
2020 جىلدىڭ ۇقساس كەزەڭىمەن سالىستىرعاندا رەسپۋبليكالىق بيۋدجەتكە ەڭ كوپ تۇسىمدەردىڭ ءوسۋى مۇنايعا سالىناتىن ەكسپورتتىق كەدەن باجدارىنان 352,5 ملرد. تەڭگەگە نەمەسە 1,9 ەسە, كورپوراتيۆتى تابىس سالىعى 390,8 ملرد. تەڭگەگە نەمەسە 44,9%-عا, ەاەو ەلدەرىنەن يمپورتقا قوسىلعان قۇن سالىعى 171,5 ملرد. تەڭگەگە نەمەسە 36,6%-عا, ءۇشىنشى ەلدەردەن يمپورتقا قوسىلعان قۇن سالىعى 105,2 ملرد. تەڭگەگە نەمەسە 22,7%-عا جانە پايدالى قازبالاردىڭ وندىرىسىنە سالىناتىن سالىعى 103,7 ملرد. تەڭگەگە نەمەسە 46,8%-عا وسكەنى بايقالادى.
تۇسىمدەردىڭ وسۋىنە مىناداي فاكتورلار اسەر ەتتى.
«وتكەن جىلدىڭ ۇقساس كەزەڭىمەن سالىستىرعاندا وسى جىلدىڭ 9 ايىندا نەگىزگى ەكسپورتتىق پوزيتسيالارعا باعانىڭ ءوسۋى بايقالادى, ونىڭ ىشىندە مۇنايعا 64,5%-عا, مىسقا 57,3%-عا, اليۋمينيگە 44,2%-عا, مىرىشقا 34,0%-عا, كۇمىسكە 33,8%-عا, قورعاسىنعا 19,7%-عا جانە التىنعا 3,8%-عا. $ باعامى 1 تەڭگەگە 3,9%-عا وستى. مۇنايعا سالىناتىن اكەتۋ كەدەندىك باجدارى 24,3%-عا وستى (2020 جىلدىڭ 9 ايىندا 1 تونناعا ورتاشا مولشەرلەمەسى 37,2$, 2021 جىلدىڭ 9 ايىندا 1 تونناعا 61,5$ قۇرادى)», دەپ حابارلادى مكك.ەرمەن تاۋار اينالىمى 2021 جىلدىڭ قاڭتار-قىركۇيەك ايلارىندا 8,2%-عا وستى (ەكسپورت 18,2%-عا وستى, يمپورت 9,3%-عا تومەندەدى).
2021 جىلدىڭ 9 ايىندا وتكەن جىلدىڭ ۇقساس كەزەڭىمەن سالىستىرعاندا تاۋار اينالىمى 28,7%-عا وستى (63 917 ملرد. تەڭگەدەن باستاپ 82 293 ملرد. تەڭگەگە دەيىن).
قوسىلعان قۇن سالىعى تۇسىمىنىڭ 40% قۇرايتىن ءىرى سالىق تولەۋشىلەردىڭ تاۋار اينالىمى 18,4%-عا وستى.
كورسەتىلگەن كەزەڭگە ءبىر سالىق تولەۋشىگە ونلاين باقىلاۋ-كاسسا ماشيناسىنان ورتاشا ءتۇسىمى 11,8%-عا وستى (33,4 ملن. تەڭگەدەن باستاپ 37,4 ملن. تەڭگەگە دەيىن ءوستى).