نورۆەگيا پوليتسياسى بەس ادام قازا تاپقان شابۋىلدى تەرروريستىك ارەكەت دەپ مالىمدەدى. سارسەنبى كۇنى 37 جاستاعى ەر ادام نورۆەگيانىڭ كونگسبەرگ قالاسىندا ساداقتان وق جاۋدىرعان بولاتىن, دەپ حابارلايدى Egemen.kz.
بۇل تۋرالى BBC مالىمدەدى.
بۇعان دەيىن بىرنەشە ۋاقىت بۇرىن ول يسلام ءدىنىن قابىلداعانى بەلگىلى بولعان. قاسكۇنەم ءدىني تەرىس اعىم وكىلى رەتىندە قۇقىق قورعاۋشىلاردىڭ كوزىنە تۇسكەن ەكەن. الايدا, ونىڭ نەلىكتەن شابۋىل جاساعانى بەلگىسىز. وڭىرلىك پوليتسيا ءبولىمىنىڭ باسشىسى قۇقىق قورعاۋ ورگاندارىنىڭ قىزمەتكەرلەرى سوڭعى رەت ول تۋرالى اقپاراتتى 2020 جىلى سۇراتقانىن مالىمدەدى.
«نورۆەگيادا تەرروريستىك قاۋىپ دەڭگەيى بۇرىنعىشا تومەن دەپ ەسەپتەلەدى», دەلىنگەن نورۆەگيا پوليتسيا قىزمەتىنىڭ حابارلاماسىندا.
ەسكە سالساق, 13 قازاندا كەشكى التىدان كەيىن باستالعان. مەرگەن ءوز قۇرباندارىنا بىرنەشە جەردە, سونىڭ ىشىندە سۋپەرماركەتتە شابۋىلداعان. باق حابارلاۋىنشا, ەر ادام وزىمەن بىرگە باسقا قارۋ دا ۇستاپ جۇرگەن.