جايىق وزەنىنىڭ جاعالاۋىندا اتىراۋلىق قولونەر شەبەرلەرى مەن ديزاينەرلەر ءۇشىن ارنايى اللەيا اشىلدى. وندا ءار اپتانىڭ سوڭىندا «ۇلتتىق قولونەر – تاربيە كوزى» اتتى كورمە-جارمەڭكەسى وتەدى. وعان وبلىستىق «ىسكەر ايەلدەر» كەڭەسى مەن اتىراۋ قالالىق اكىمدىگى قولداۋ كورسەتىپ وتىر.
– كورمە-جارمەڭكەنىڭ باستى ماقساتى – كاسىپكەرلەردى قولداۋ, ولاردىڭ ءونىمىن وتكىزۋىنە جاعداي جاساۋ. سونداي-اق ەرەكشە ناقىشتاعى ۇلتتىق قولونەر تۋىندىلارى ارقىلى قازاق حالقىنىڭ سالت-ءداستۇرىن, تاريحىن, مادەنيەتىن كەڭىنەن دارىپتەۋ, – دەيدى اتىراۋ قالاسى اكىمىنىڭ ورىنباسارى سامات ەمبەرگەن.
جاس ديزاينەر ءالبينا سيعۋاتوۆانىڭ ايتۋىنشا, بۇل – جاس كاسىپكەرلەرگە وتاندىق ونىمدەرىن ۇسىنۋعا ارنالعان ءتيىمدى جوبا. مۇندا ۇسىنىلاتىن ءار ءونىمنىڭ ساپاسى جوعارى, باعاسى تۇتىنۋشىعا قولجەتىمدى بولماق.