قازاقستاندا 26 ناۋرىز كۇنى اۋا رايى كۇرت قۇبىلىپ, كەي وڭىرلەردە جاڭبىر جاۋىپ, نايزاعاي ويناۋى مۇمكىن, دەپ حابارلايدى Egemen.kz.
«قازگيدرومەت» مالىمەتىنشە, اتموسفەرالىق فرونتالدى بولىكتەردىڭ ىقپالىنان كەي ايماقتاردا اۋا رايى قۇبىلمالى بولادى. اسىرەسە, ەلدىڭ باتىس وڭىرلەرىندە جاڭبىر جاۋىپ, نايزاعاي كۇتىلەدى. بۇل قۇبىلىستار كوكتەمگى ماۋسىمعا ءتان بولعانىمەن, تۇرعىندارعا ساقتىق شارالارىن ەسكەرۋدى تالاپ ەتەدى.
ال سولتۇستىك قازاقستاندا جاۋىن-شاشىن بولۋى ىقتيمال, كەي جەرلەردە ىلعالدىڭ مول ءتۇسۋى بايقالادى. شىعىس قازاقستان وبلىسىنداعى بىرقاتار ەلدى مەكەندەردە كوكتايعاق قالىپتاسۋى مۇمكىن, بۇل جول قوزعالىسىنا كەرى اسەر ەتۋى ىقتيمال.
سينوپتيكتەر سونداي-اق رەسپۋبليكا بويىنشا تۇمان ءتۇسۋ قاۋپى جوعارى ەكەنىن ەسكەرتەدى. كورۋ دەڭگەيىنىڭ تومەندەۋى اسىرەسە تاڭعى جانە تۇنگى ۋاقىتتا جۇرگىزۋشىلەرگە قيىندىق تۋدىرۋى مۇمكىن.
بۇدان بولەك, باتىس جانە وڭتۇستىك قازاقستان وڭىرلەرىندە, سونداي-اق ەلدىڭ ورتالىعىندا جەلدىڭ كۇشەيۋى كۇتىلەدى. جەل ەكپىنى كەي جەرلەردە ايتارلىقتاي ارتىپ, كۇن رايىنىڭ قولايسىزدىعىن كۇشەيتەدى.
ەسكە سالا كەتەيىك, 25 ناۋرىزدا رەسپۋبليكا بويىنشا تۇمان ءتۇسىپ, سولتۇستىك پەن ورتالىقتا كوكتايعاق بولدى.