شىعىس قازاقستان وبلىسى التاي اۋدانىنىڭ تۇرعىنى 13 جىل بويى ەكى ەلدەن زەينەتاقى الىپ كەلگەن, دەپ حابارلايدى Egemen.kz.
شقو پوليتسيا دەپارتامەنتى ءباسپاسوز قىزمەتىنىڭ مالىمەتىنە سۇيەنسەك, التاي اۋدانىنىڭ پوليتسيا قىزمەتكەرلەرى قوس ازاماتتىق الۋ فاكتىسىن انىقتادى.
«ەر ادام 2004 جىلى قازاقستان ازاماتتىعىنان شىقپاي, رەسەي فەدەراتسياسىنىڭ ازاماتتىعىن العان. وسىلايشا, زەينەت جاسىنا جەتكەننەن كەيىن ول 13 جىل بويى ەكى ەلدەن اقشا الىپ وتىردى. سونىڭ سالدارىنان مەملەكەتكە 12 ملن تەڭگە مولشەرىندە ماتەريالدىق زالال كەلتىرىلدى», دەدى وبلىستىق پد كوشى-قون قىزمەتى باسقارماسىنىڭ باستىعى ەربول بەكپاەۆ.
اتالعان فاكتى بويىنشا 76 جاستاعى قارت كىسىگە قر اقبتك-ءنىڭ 496-بابى 1-بولىگىمەن 100 اەك كولەمىندە اكىمشىلىك ايىپپۇل سالىندى. سونداي-اق «ازاماتتارعا ارنالعان ۇكىمەت» مەملەكەتتىك كورپوراتسياسى زاڭسىز الىنعان زەينەتاقى تولەمدەرىن بيۋدجەتكە قايتارۋ ءۇشىن سوتقا ارىز بەرەدى.