بەسىنشى قازاقستاندىق بىتىمگەرشىلىك كونتينگەنتى «بۇۇ-نىڭ ليۆانداعى ۋاقىتشا كۇشتەرى» ميسسياسىنا قاتىسۋىن اياقتادى. ولاردىڭ ورنىنا قازاقستان بىتىمگەرلەرىنىڭ التىنشى قۇرامى اتتاندى, دەپ حابارلايدى Egemen.kz.
جارتى جىل بويى قازاقستاندىق بىتىمگەرشىلىك كونتينگەنتى جەرگىلىكتى جەردى پاترۋلدەۋ, بلوك-بەكەتتەردە قىزمەت اتقارۋ, بازانى كۇزەتۋ مىندەتتەرىن ورىندادى, سونداي-اق شتابتاعى ميسسيانىڭ شارالارىنا قاتىستى.
بىتىمگەرلەر مايور دانيار ءزارىپوۆتىڭ باسشىلىعىمەن جۇكتەلگەن مىندەتتەردى لايىقتى دەڭگەيدە ورىنداپ شىقتى. – اسكەري قىزمەتشىلەر وزدەرىنە جۇكتەلگەن جوعارى جاۋاپكەرشىلىكتى تولىق سەزىنە ءبىلدى, ويتكەنى ولار قازاقستاننىڭ قارۋلى كۇشتەرىن عانا ەمەس, سونداي-اق بۇكىل ەلدى بۇۇ قولداۋىمەن الەمدىك قوعامداستىق الدىندا تانىستىردى. جاساقتىڭ مورالدىق-پسيحولوگيالىق جاي-كۇيى جوعارى دەڭگەيدە, دەدى كوماندير.
بىتىمگەرلەردىڭ ايتۋىنشا, ەلدى مەكەندەر مەن ولارعا ىرگەلەس اۋماقتاردى كۇندەلىكتى پاترۋلدەۋ جاۋاپكەرشىلىك ايماعىندا جاعدايدىڭ قالىپتى ەكەنىن كورسەتەدى. قازاقستاندىق اسكەري قىزمەتشىلەر ءۇندى بىتىمگەرشىلىك باتالونىنىڭ قۇرامىندا قىزمەت اتقارادى.
ءبىزدىڭ اسكەري قىزمەتشىلەردىڭ كاسىبيلىگىن ميسسيا قولباسشىلىعى, سونداي-اق بىرلەسىپ پاترۋلدەۋ جۇرگىزەتىن ليۆان رەسپۋبليكاسى قارۋلى كۇشتەرىنىڭ وكىلدەرى بىرنەشە رەت اتاپ ءوتتى.