• RUB:
    6.68
  • USD:
    520.93
  • EUR:
    609.07
باستى سايتقا ءوتۋ
ەكونوميكا 14 قازان, 2021

قازاقستاندا قۇس فابريكالارى جابىلۋى مۇمكىن

270 رەت
كورسەتىلدى

ەلىمىزدە جەمدىك بيدايدىڭ ءبىر تونناسى 150 مىڭ تەڭگەگە ساتىلىپ جاتىر. شارۋالار باعانى ءالى دە شارىقتاتۋدان دامەلى, دەپ حابارلايدى Egemen.kz «حابار 24» ارناسىنا سىلتەمە جاساپ.

قۇس وسىرۋشىلەر وداعىنىڭ پرەزيدەنتى رۋسلان ءشارىپوۆ «بۇلاي جالعاسا بەرسە, فابريكالار جابىلىپ تىنادى» دەيدى. بۇگىندە اقمولا, الماتى, قاراعاندى, اقتوبە, اتىراۋ وبلىستارىنداعى قۇس فابريكالارى جاعدايىنىڭ مۇشكىل ەكەنىن جەتكىزگەن. جەم 3 ەسە قىمباتتادى. تاۋىق پەن جۇمىرتقانى نارىققا شىعارۋ ءۇشىن ديزەل وتىنى جەتپەي جاتىر. بۇعان دەيىن قۇس وسىرۋشىلەر وداعى ازىق-ت ۇلىك كورپوراتسياسىنان جەمدىك قور قۇرۋدى سۇراعان ەدى. اقشا بولىنگەن, الايدا شارۋالار قۇس ازىعىن ساتۋعا اسىقپايدى. فابريكالارعا 650 ملن توننا جەمدىك بيداي قاجەت. ونىڭ ۇستىنە كەي وڭىرلەردە سۋبسيديا بەرۋ توقتاتىلعان. رۋسلان ءشارىپوۆ بۇعان بيۋدجەتتىڭ تاپشىلىعى جەلەۋ ەتىلەتىنىن جەتكىزدى.

ايتا كەتەيىك, ونسىز دا ەكى ەسە قىسقارعان سۋبسيديا كەلەسى جىلى مۇلدە توقتاتىلۋى مۇمكىن. قازىر قۇس وسىرۋشىلەردى فۋراجدى بيدايدىڭ قۇنى الاڭداتىپ وتىر. ويتكەنى ازىق پەن تاسىمال اقىسى جۇمىرتقا باعاسىنىڭ 70 پروتسەنتىن قۇرايدى. دەمەك, جىل سوڭىنا دەيىن ەلدەگى قۇس ءونىمى ەكى ەسە قىمباتتاۋى مۇمكىن. ءتىپتى نارىقتى رەسەيدىڭ ارزان جۇمىرتقاسى جاۋلاۋى ىقتيمال.

رۋسلان ءشارىپوۆ, قۇس وسىرۋشىلەر وداعىنىڭ پرەزيدەنتى: - سيىر مەن جىلقى ەتى وتە قىمبات. قاراپايىم حالىق جۇمىرتقانى, قۇس ەتىن جەپ وتىر. جەم مەن سۋبسيديا ماسەلەسى شەشىلمەسە ولار دا قىمباتتايدى. ءبىز الدىڭعى جىلى جەمدىك بيدايدىڭ ءبىر تونناسىن 45 مىڭ تەڭگەگە الاتىنبىز. قازىر شارۋالار 150 مىڭ تەڭگەگە ساتىپ وتىر. بۇعان شاماسى جەتپەگەن اقمولالىق قۇس فابريكاسى جابىلىپ تىندى. ءجۇز مىڭ تاۋىق بوسقا قىرىلىپ قالدى. ءبىز بيدايدان باسقاسىن شەتەلدەن الامىز. ۆاليۋتا بولسا, كۇن سايىن قۇبىلىپ تۇر. شارۋالار جاعدايدى تۇسىنەر ەمەس. ازىقتى ساتپاي, باعانىڭ ءوسۋىن كۇتىپ وتىر. اۋىل شارۋاشىلىعى مينيسترىنە دە تالاي حات جازدىق. ءوتىنىشىمىز ەسكەرىلمەي جاتىر. جۇمىرتقاعا بەرىلەتىن سۋبسيديانىڭ مۇلدە الىناتىنى ايتىلدى. 

قۇزىرلى مينيسترلىك بۇل ماسەلە بويىنشا جۋرناليستەرگە جاۋاپ دايىنداپ جاتقانىن جەتكىزدى. ءبىز حالىق پەن بيلىك اراسىنداعى كوپىرمىز, ول تۇسىنىكتى. تەك قۇس وسىرۋشىلەردىڭ سۇراۋى ەسكەرىلە مە؟ ونى ۋاقىت كورسەتەدى. 

 

سوڭعى جاڭالىقتار