وڭتۇستىك شاھارداعى وڭدى وقيعانىڭ ءبىرى الماتىداعى احمەت بايتۇرسىنوۆتىڭ مۇراجاي-ءۇيى قالا مەنشىگىنە قايتارىلدى. مەگاپوليس اكىمى باقىتجان ساعىنتاەۆ كورنەكتى اعارتۋشىنىڭ تاريحي-مادەني مۇراسىن ساقتاۋ ماقساتىندا ءتيىستى شەشىم قابىلدادى, دەپ حابارلايدى Egemen.kz.
قالا باسشىسى باقىتجان ساعىنتاەۆ ا.بايتۇرسىنوۆتىڭ مۇراجاي-ۇيىنە بارىپ, مۇراجاي-ءۇيدى قوعامدىق قوردان كوممۋنالدىق مەنشىككە بەرۋ تۋرالى شەشىم قابىلدانعانىن مالىمدەدى.
«كەلەر جىلى كورنەكتى اعارتۋشى ا. بايتۇرسىنوۆتىڭ تۋعانىنا 150 جىل تولادى. مەرەيتويعا دايىندىق بارىسىندا قوعام قايراتكەرى تۇرعان مۇراجاي-ءۇيدى قالا مەنشىگىنە قايتاردىق. ونىڭ مۇراسى ماڭگىلىك ساقتالادى», دەپ جازدى ب. ساعىنتاەۆ ءوزىنىڭ Twitter-دەگى اككاۋنتىندا.
حح عاسىردىڭ باسىندا سالىنعان مۇراجاي عيماراتى رەسپۋبليكالىق ماڭىزى بار تاريح جانە مادەنيەت ەسكەرتكىشتەرىنىڭ مەملەكەتتىك تىزىمىنە ەنگىزىلگەن. عيماراتتىڭ جالپى اۋدانى – 160 ش. م.