قازىرگى ۋاقىتتا قازاقستاننىڭ بىرىڭعاي ەلەكتر جۇيەسىندە ەلەكتر ەنەرگياسىن تۇتىنۋدىڭ ءوسۋ قارقىنىنىڭ جوعارى بولۋىنا بايلانىستى ەلەكتر ەنەرگياسى مەن قۋاتى تەڭگەرىمى بويىنشا كۇردەلى جاعداي ساقتالۋدا. «KEGOC» اق-نىڭ حابارلاۋىنشا, 2021 جىلدىڭ 9 ايىندا 2020 جىلدىڭ سايكەس كەزەڭىمەن سالىستىرعاندا تۇتىنۋ ءوسىمى وڭتۇستىك ايماقتا – 11,8%, سولتۇستىك ايماقتا – 5,8% جانە باتىس ايماقتا 6,6%-دى قۇرادى. قاربالاس ۋاقىتتا قۋاتتى تۇتىنۋ وتكەن جىلعى ماننەن 1000-1500مۆت-قا ارتىق. بۇل قۋات تۇتاس ءبىر وبلىستىڭ تۇتىنۋىمەن تەڭ. مىسالى, الماتى وبلىسىنىڭ تۇتىنۋىمەن بىردەي.
جاعداي بەج ەلەكتر ستانسالارىنداعى اپاتتىق جانە جوسپارلانباعان جوندەۋلەردىڭ كوپ بولۋىنا بايلانىستى گەنەراتسيالايتىن قۋاتتاردىڭ تاپشىلىعىمەن كۇردەلەنە تۇسەدى. مىسالى, گەنەراتسيانى اۆاريالىق اجىراتۋدىڭ ۇزاقتىعى 2021 جىلدىڭ باسىنان باستاپ 2020 جىلدىڭ ۇقساس كورسەتكىشىمەن سالىستىرعاندا 25%-عا ۇلعايدى. بۇل رەتتە جابدىقتىڭ جەكەلەگەن تۇرلەرى بويىنشا بۇل كورسەتكىشتىڭ ءوسۋى ايتارلىقتاي جوعارى: تۋربواگرەگاتتاردىڭ اۆاريالىق توقتاتىلۋ ۇزاقتىعى 2 ەسەدەن استام شاماعا ءوستى (+134%, 2020 جىلى 12 177 ساعات, 2021 جىلى 28 550 ساعات), گاز تۋربينالارىنىڭ اۆاريالىق توقتاتىلۋ ۇزاقتىعى 43%-عا, ەنەرگيا بلوكتىق جابدىق 18%-عا ءوستى.
گەنەراتسيانىڭ جەتىسپەۋشىلىگى تۇتىنۋشىلاردىڭ ەلەكتر ەنەرگياسى مەن قۋاتقا دەگەن قاجەتتىلىكتەرىن قاناعاتتاندىرۋعا مۇمكىندىك بەرمەيدى. بۇل ءوز كەزەگىندە قازاقستان بەج تۇتىنۋشىلارىنىڭ ناقتى تۇتىنۋىنىڭ جوسپارلى شامادان اۋىتقۋىنا اكەلىپ سوعادى. ەنەرگيا جۇيەسى بويىنشا قۋاتتىڭ اۋىتقۋى شامامەن 1 مىڭ مۆت قۇرايدى, سونىڭ ىشىندە تەك قازاقستان بەج-ءىنىڭ وڭتۇستىك ايماعى بويىنشا اۋىتقۋ شاماسى 700 مۆت-تان اسادى. گەنەراتسيانىڭ جەتىسپەۋشىلىگى, قۋات پەن ەلەكتر ەنەرگياسىنىڭ اۋىتقۋى قازاقستان بەج تۇراقتىلىعىنىڭ بۇزىلۋىنا قاۋىپ توندىرەدى. ءىرى جۇيەلىك اۆاريانىڭ پايدا بولۋ قاۋپى بار. كەشكى مەزگىلدە قازاقستان بەج-ءىنىڭ سولتۇستىك-وڭتۇستىك ءترانزيتى بويىنشا ەلەكتر ەنەرگياسىنىڭ اعىنى رۇقساتتىق ماننەن اسىپ تۇسەدى. گەنەراتسيانىڭ يەلىكتەگى رەزەرۆتەرىنىڭ تولىق تاۋسىلۋىنا بايلانىستى تۇتىنۋشىلار ءۇشىن اۆاريالىق ىستەن شىققان گەنەراتسيانى الماستىرۋ جانە جوسپارلى يمپورتتى ىسكە اسىرۋ ماقساتىندا شەكتەس ەنەرگيا جۇيەلەرىنەن جوسپارلى جەتكىزۋدى جۇزەگە اسىرۋ قاجەتتىلىگى تۋىنداپ وتىر.
قازاقستان رەسپۋبليكاسىنىڭ زاڭناماسىنا سايكەس, «KEGOC» اق جۇيەلىك وپەراتور رەتىندە قازاقستان رەسپۋبليكاسىنىڭ ءبىرتۇتاس ەلەكتر ەنەرگەتيكالىق جۇيەسى جۇمىسىنىڭ سەنىمدىلىگىن قامتاماسىز ەتۋگە مىندەتتى. جوسپاردان تىس تۇتىنۋ ورىن العان جاعدايدا, «KEGOC» اق قولدانىستاعى زاڭناما تالاپتارىنا سايكەس تۇتىنۋ رەجىمىن ساقتاۋ بويىنشا تۇتىنۋشىلاردىڭ جەكەلەگەن ساناتتارىنا شارالار قولدانۋعا ءماجبۇر بولادى.
2021 جىلعى 5 قازاندا جۇيەلىك وپەراتورعا جۇكتەلگەن مىندەتتەمەلەردى ورىنداۋ شەڭبەرىندە جەرگىلىكتى اتقارۋشى ورگاندارمەن كەلىسىلگەن كەستەلەرگە سايكەس تۇتىنۋدى شەكتەۋ بويىنشا مىناداي ءىس-شارالار جۇرگىزىلدى: «اجك» اق جەلىلەرىندەگى شەكتەۋلەر – 75 مۆت (اسىپ كەتۋ – 160 مۆت, دياپازونىنان تىس – 90 مۆت). «قىزىلوردا تەك» اق جەلىلەرىندە شەكتەۋ – 31 مۆت (اسىپ كەتۋ 39 مۆت, 33 مۆت). Enegix اق شەكتەۋلەرى – 68 مۆت (اسىپ كەتۋ – 100 مۆت, دياپازونىنان تىس – 90 مۆت).