پارلامەنت سەناتى توراعاسىنىڭ ورىنباسارى اسقار بەيسەنباەۆ, سەناتورلار ۆلاديمير بوبروۆ, ەرمەك جۇماباەۆ, اسحات كۇزەكوۆ جانە ءماجىلىس دەپۋتاتى مەيرام پىشەمباەۆ پاۆلودار وبلىسىندا بولدى.
پارلامەنت دەپۋتاتتارىنىڭ ساپارى قازاقستان پرەزيدەنتى ن.نازارباەۆتىڭ «قازاقستان جولى – 2050: ءبىر ماقسات, ءبىر مۇددە, ءبىر بولاشاق» جولداۋىن ءتۇسىندىرۋ جۇمىستارىنا ارنالدى. دەپۋتاتتار پاۆلوداردا «قازاقستان ەلەكتروليز زاۋىتى» اكتسيونەرلىك قوعامىندا بولىپ, ەڭبەك ۇجىمىمەن كەزدەستى.
پارلامەنتشىلەر, سونداي-اق, مەملەكەت باسشىسىنىڭ جولداۋىنداعى جانە «نۇر وتان» پارتياسىنىڭ حV سەزىندە ايتىلعان تاپسىرمالارى قارالعان «نۇر وتان» پارتياسىنىڭ قالالىق كونفەرەنتسياسىنا قاتىستى. جوعارعى پالاتا توراعاسىنىڭ ورىنباسارى ءوز سوزىندە پرەزيدەنتتىڭ حالىققا جولداۋىنداعى مىندەتتەردى زاڭنامالىق تۇرعىدا قامتاماسىز ەتۋ جونىندەگى جوسپارمەن تانىستىردى.
پارلامەنت سەناتىنىڭ حالىقارالىق قاتىناستار, قورعانىس جانە قاۋىپسىزدىك ىستەرى بويىنشا كوميتەتىنىڭ توراعاسى يكرام ادىربەكوۆ باستاعان دەپۋتاتتار توبى قر ۇقك شەكارا قىزمەتىنىڭ اكادەمياسىندا بولىپ قايتتى.
اسكەري ۋچيليششەنىڭ وقىتۋشىلار قۇرامى مەن كۋرسانتتارى الدىندا سەناتورلار قازاقستان رەسپۋبليكاسى پرەزيدەنتى نۇرسۇلتان نازارباەۆتىڭ «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى جولداۋىن ناسيحاتتاپ ءسوز سويلەدى. پرەزيدەنت جولداۋى ينستيتۋتى جىل سايىن ەلىمىزدىڭ جاڭا تاريحىن اشاتىن ساياسي داستۇرگە اينالعاندىعى اتاپ ءوتىلدى.
پارلامەنت سەناتى ەكونوميكالىق دامۋ جانە كاسىپكەرلىك كوميتەتىنىڭ توراعاسى تالعاتبەك ءابايدىلدين مەملەكەت باسشىسىنىڭ «قازاقستان جولى – 2050: ءبىر ماقسات, ءبىر مۇددە, ءبىر بولاشاق» جولداۋىنىڭ ەرەجەلەرىن ءتۇسىندىرۋ ماقساتىندا شىعىس قازاقستان وبلىسىندا بولدى.
ايماقتاعى جەرگىلىكتى اتقارۋشى جانە وكىلدى بيلىك وكىلدەرىمەن كەزدەسۋدە دەپۋتات سەناتتىڭ زاڭ شىعارۋ قىزمەتى تۋرالى حاباردار ەتتى. ت.ءابايدىلدين مەملەكەت باسشىسىنىڭ باعدارلامالىق قۇجاتتارىندا قازاقستاندىقتار تۋرالى قامقورلىققا, ولاردىڭ ءال-اۋقاتىن جاقسارتۋعا باسا نازار اۋدارىلعانىن اتاپ ءوتتى.
سەناتور ەلەۋسىن ساعىندىقوۆ ايماقتارعا دەپۋتاتتىق ساپارى اياسىندا اقتوبە وبلىسىنداعى العا, مارتوك, قارعالى اۋداندارىندا بولدى.
سەناتور ايماقتاعى الەۋمەتتىك نىسانداردى ارالاپ, يندۋستريالىق-پەداگوگيكالىق تەحنيكۋمداعى ونەركاسىپ ۇدەرىستەرىمەن تانىستى جانە اۋىل ەڭبەككەرلەرىمەن كەزدەستى. ەڭبەك ۇجىمدارىمەن جۇزدەسۋ بارىسىندا ە.ساعىندىقوۆ مەملەكەت باسشىسىنىڭ قازاقستان حالقىنا جولداۋىنىڭ نەگىزگى ەرەجەلەرىن ءتۇسىندىردى.
پارلامەنت سەناتىنىڭ دەپۋتاتتارى سۆەتلانا جالماعامبەتوۆا مەن جابال ەرعاليەۆ كوكشەتاۋ قالاسى اكىمىنىڭ حالىققا كەزەكتى ەسەپ بەرۋىنە قاتىستى.
شاحمەت قۇسايىنوۆ اتىنداعى قازاق دراما تەاترىنداعى جۇرتشىلىق جانە جاستار وكىلدەرىمەن كەزدەسۋدىڭ باستى تاقىرىبى مەملەكەت باسشىسى جولداۋىنىڭ تاريحي ماڭىزى بولدى. «ماڭگىلىك ەل تۋرالى ەلباسى 2013 جىلعى جولداۋدا العاش رەت ايتقان بولاتىن. ال بۇل جولعى جولداۋدا قازاقستاننىڭ 2050 جىلعا دەيىنگى دامۋ ستراتەگياسى تۋرالى ايتا كەلىپ, نۇرسۇلتان نازارباەۆ كەلەشەكتە وعان قول جەتكىزۋدەگى باعىت-باعدارىمىز بەن ماقسات-مىندەتىمىزدى كورسەتتى», دەپ اتاپ ءوتتى سەناتورلار.
سەناتور سەرگەي پلوتنيكوۆ شىعىس قازاقستان وبلىسىندا قازاقستان پرەزيدەنتىنىڭ «قازاقستان جولى – 2050: ءبىر ماقسات, ءبىر مۇددە, ءبىر بولاشاق» جولداۋىن ءتۇسىندىرۋ جۇمىستارىنا اتسالىستى.
دەپۋتات شىعىس قازاقستانداعى اۋىل شارۋاشىلىعى عىلىمي-زەرتتەۋ ينستيتۋتىنىڭ ۇجىمىمەن كەزدەستى. س.پلوتنيكوۆ ساپارى اياسىندا وبلىس اكىمى, «بايتەرەك» حولدينگىنىڭ باسشىلارى مەن ءوڭىر كاسىپكەرلەرى قاتىسقان وتىرىسقا, سونداي-اق, ونەركاسىپشىلەر مەن كاسىپكەرلەردىڭ شىعىس قازاقستان اسسوتسياتسياسى ديرەكتورلار كەڭەسىنىڭ كوشپەلى وتىرىسىنا قاتىستى, دەپ حابارلادى سەناتتىڭ ءباسپاسوز قىزمەتى.
پارلامەنت ءماجىلىسىنىڭ دەپۋتاتى – «نۇر وتان» پارتياسى فراكتسياسىنىڭ مۇشەسى ۇلاسبەك سادىبەكوۆ وڭتۇستىك قازاقستان مەملەكەتتىك پەداگوگيكالىق ينستيتۋتىندا پروفەسسور-وقىتۋشىلار قۇرامىمەن جانە ستۋدەنت جاستارمەن كەزدەسۋ وتكىزدى.
كەزدەسۋ بارىسىندا ن.نازارباەۆتىڭ قازاقستان حالقىنا ارناعان «قازاقستان جولى – 2050: ءبىر ماقسات, ءبىر مۇددە, ءبىر بولاشاق» جولداۋىنىڭ ەل دامۋىنداعى ماڭىزدىلىعى ايتىلىپ, جولداۋ جان-جاقتى ءتۇسىندىرىلىپ, تالقىلانىپ, ناسيحاتتالدى.
پارلامەنت ءماجىلىسىنىڭ دەپۋتاتى ءاسيما بيمەندينا استانا قالاسىنىڭ كاسىپتىك جانە تەحنيكالىق ءبىلىم بەرۋ مەكەمەلەرىنىڭ ستۋدەنتتەرىمەن كەزدەستى.
جاستارمەن جۇزەسۋدە «نۇر وتان» پارتياسىنىڭ 15 جىلدىعىنا وراي پارتيا دوكتريناسىنىڭ نەگىزگى باعىتتارى ءتۇسىندىرىلىپ, ەلباسى نۇرسۇلتان نازارباەۆتىڭ «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى قازاقستان حالقىنا جولداۋى تالقىلاندى.
پارلامەنت ءماجىلىسىنىڭ دەپۋتاتى رومين ءمادينوۆ پەتروپاۆل قالاسىندا «نۇر وتان» پارتياسى وبلىستىق فيليالىنىڭ قوعامدىق قابىلداۋ بولىمىندە ازاماتتاردى قابىلدادى.
ن.نازارباەۆتىڭ قازاقستان حالقىنا ارناعان «قازاقستان جولى – 2050: ءبىر ماقسات, ءبىر مۇددە, ءبىر بولاشاق» جولداۋىنىڭ ەل دامۋىنداعى ماڭىزدىلىعىنا توقتالعان دەپۋتات, جولداۋدى جان-جاقتى ءتۇسىندىرىپ, ناسيحاتتادى. مۇمكىندىگى شەكتەۋلى ادامداردى قولداۋ ماسەلەسى بويىنشا جۇمىس توبىنىڭ وتىرىسىندا, مۇگەدەكتەر قوعامدىق بىرلەستىگىنىڭ وكىلدەرى ءبىرقاتار ءتۇيىندى ماسەلەلەر مەن ۇسىنىستاردى ايتتى.
پارلامەنت ءماجىلىسىنىڭ دەپۋتاتتارى ەرسۇلتان بەكتۇرعانوۆ پەن جانات جاراسوۆ «نۇر وتان» پارتياسىنىڭ پاۆلودار وبلىسىنداعى باياناۋىل اۋداندىق فيليالىندا قوعامدىق قابىلداۋ جۇرگىزدى.
قابىلداۋ بارىسىندا ەلباسى ن.ءا.نازارباەۆتىڭ «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى قازاقستان حالقىنا جولداۋىندا كورسەتىلگەن مەملەكەت پەن قوعام دامۋىنىڭ نەگىزگى باسىم باعىتتارى جونىندە اڭگىمە بولدى.
پارلامەنت ءماجىلىسىنىڭ دەپۋتاتى, «اق جول» قدپ فراكتسياسىنىڭ مۇشەسى مەرۋەرت قازبەكوۆا اقمولا وبلىستىق «مەديا-ورتالىعىندا» وبلىستىق ىشكى ساياسات, كاسىپكەرلىك جانە ونەركاسىپ باسقارمالارىنىڭ قولداۋىمەن «ۇلت باعامى» باعدارلاماسى اياسىندا كاسىپكەرلەر مەن ۇكىمەتتىك ەمەس ۇيىم وكىلدەرىمەن جانە «قازاقستان – كوكشەتاۋ» تەلەارناسىنىڭ جۋرناليستەرىمەن كەزدەستى.
كەزدەسۋدىڭ باستى تاقىرىبى ەلباسى ن.ءا.نازارباەۆتىڭ «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى قازاقستان حالقىنا جولداۋىن ءتۇسىندىرىپ, ناسيحاتتاۋ بولدى. دەپۋتات جينالعاندارعا جولداۋدا كورسەتىلگەن مەملەكەت پەن قوعام دامۋىنىڭ نەگىزگى باسىم باعىتتارى جونىندە باياندادى.
پارلامەنت ءماجىلىسىنىڭ دەپۋتاتى گۇلميرا يسىمباەۆا الماتى قالاسىنىڭ الاتاۋ اۋدانىنداعى وجەت شاعىن اۋدانىنىڭ تۇرعىندارىمەن كەزدەسۋ وتكىزدى.
ول پرەزيدەنت ن.ءا.نازارباەۆتىڭ «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى قازاقستان حالقىنا جولداۋىندا كورسەتىلگەن مەملەكەت پەن قوعام دامۋىنىڭ نەگىزگى باسىم باعىتتارى جونىندە ءتۇسىندىرىپ بەردى, دەپ حابارلادى ءماجىلىستىڭ ءباسپاسوز قىزمەتى.