قر دەنساۋلىق ساقتاۋ ءمينيسترى الەكسەي تسوي ماجىلىستەگى ۇكىمەت ساعاتىندا سويلەگەن سوزىندە قازاقستاننىڭ قانداي وڭىرلەرى كوروناۆيرۋس اۋرۋى بويىنشا ءالى دە «قىزىل» ايماقتا قالىپ وتىرعانىن حابارلادى, دەپ جازادى Egemen.kz.
«دەنساۋلىق ساقتاۋ مينيسترلىگى ەپيدەميولوگيالىق جاعدايدى بولجام مەن ماتريتسا نەگىزىندە باعالايدى, ونىڭ كومەگىمەن شەكتەۋ شارالارىن كۇشەيتۋ نەمەسە جەڭىلدەتۋ تۋرالى شەشىمدەر قابىلدانادى», دەدى الەكسەي تسوي.
مينيستر بۇگىندە قازاقستان مەن 6 ءوڭىر (الماتى, اقتوبە, شىعىس قازاقستان, باتىس قازاقستان, قاراعاندى, قوستاناي) «سارى» ايماقتا ورنالاسقانىن حابارلادى.
«جاسىل» ايماقتا - 6 ءوڭىر (اتىراۋ, جامبىل, قىزىلوردا, ماڭعىستاۋ, تۇركىستان جانە شىمكەنت قالالارى), 5 ءوڭىر (اقمولا, پاۆلودار, سولتۇستىك قازاقستان, الماتى جانە نۇر-سۇلتان قالالارى) «قىزىل» ايماقتا قالىپ وتىر.