الەمنىڭ 43-راكەتكاسى, قازاقستاندىق يۋليا پۋتينتسەۆا ينديان-ۋەللس (اقش) WTA 1000 ءتۋرنيرىنىڭ ءتورتىنشى اينالىمىنا شىعا المادى, دەپ حابارلايدى Egemen.kz.
يۋ.پۋتينتسەۆا ءۇشىنشى اينالىمدا الەمنىڭ 29-شى, وسى جارىستىڭ 24-راكەتكاسى, لاتۆيالىق ەلەنا وستاپەنكومەن كەزدەستى. ءبىرىنشى پارتيادا لاتۆيالىق تەننيسشى باسىمدىق كورسەتتى – 6:3.
ەكىنشىسىندە پۋتينتسەۆا ەسە قايىردى – 6:2. ءۇشىنشى, شەشۋشى سەتتى وستاپەنكو جەڭىسپەن اياقتادى – 6:3. ەكى ساعاتقا جۋىقتاعان تارتىستى باسەكە بارىسىندا قازاقستاندىق تەننيسشى 1 ەيس جاساپ, 11 برەيك-پوينتتىڭ بەسەۋىن پايدالاندى.
قارسىلاسى 3 ەيس, 6 برەيككە (12 برەيك-پوينت) قول جەتكىزدى, ە.وستاپەنكو شيرەك فينالعا شىعۋ ءۇشىن الەمنىڭ 4-راكەتكاسى, پولشا وكىلى يگا شۆەنتەكپەن تالاسادى.