تەڭگە باعامىنىڭ تومەندەۋىنە, ال تيىسىنشە اقش دوللارىنىڭ تەڭگەگە شاققانداعى باعاسىنىڭ كوتەرىلۋىنە بايلانىستى جاعدايدى ەستىگەن حالىق العاشىندا ابدىراپ قالعانى, دالىرەك ايتقاندا, نە ىستەرىن بىلمەي, ابىگەرگە تۇسكەنى راس. سەبەبى, بۇل حابار ءبىرىنشى كەزەكتە ءبىزدى, ياعني قاراپايىم جۇرتشىلىقتى قاتتى تولعاندىرادى ەمەس پە؟ ەگەر, شىنىمەن دە تەڭگەنىڭ باعامى تۇسەتىن بولسا, الداعى ۋاقىتتا ەلدەگى جاعداي قالاي بولماق؟ بۇل ساۋال مەنىڭ ويىمشا, قازاقستاننىڭ بارلىق ازاماتتارىن, اسىرەسە قاراپايىم حالىقتى تولعاندىرماي جانە الاڭداتپاي قويماسى انىق. دەمەك, الداعى ۋاقىتتا ۇلتتىق بانك بولسىن, ۇكىمەت بولسىن, ەڭ الدىمەن, قاراپايىم حالىقتىڭ جاعدايىن, ولاردىڭ تۇرمىسىنىڭ تومەندەپ كەتپەۋىن, جالپى العاندا, الەۋمەت الەۋەتىنىڭ قۇلدىراپ كەتپەۋىن ويلاۋى كەرەك سەكىلدى. ءبىر عانا مىسال كەلتىرەيىن. مەن ءوزىم زەينەتكەرمىن. ال مەن سەكىلدى تەك زەينەتاقىمەن عانا كۇن كورىپ جاتقان ازاماتتار قانشاما! باسقا تاۋارلاردى ايتپاي-اق قويايىن, ماسەلەن, حالىق تۇتىناتىن تاۋارلاردىڭ, ازىق-ت ۇلىكتەردىڭ باعاسى ءوسىپ كەتەتىندەي جاعداي ورىن الاتىن بولسا, مەن سەكىلدى زەينەتاقىعا قاراپ وتىرعان حالىقتىڭ جاعدايى نە بولماق؟ بۇل رەتتە حالىقتى «دۇكەندەردىڭ سورەلەرىندە تۇرعان تاۋارلاردىڭ ىشىندە يمپورتتىق تاۋارلار قانشاما. ەگەر, تەڭگە باعامى تومەندەسە, وندا سىرتتان كەلەتىن ازىق-ت ۇلىكتەردىڭ باعاسى دا دوللاردىڭ باعامىنا سايكەس ءوزگەرىپ, كوتەرىلمەي مە؟» دەگەن ساۋال دا مازالارى انىق قوي. مىنە, ماسەلەنىڭ ءمانىسى قايدا جاتىر. مەنى دە وسى وي مازالاپ, ازىق-ت ۇلىك الۋ ءۇشىن ءبىر-ەكى دۇكەنگە كىرىپ شىقتىم. ازىرگە, مەن الىپ جۇرگەن كۇنباعىس مايىنىڭ باعاسى سول قالپىندا, وزگەرمەي تۇر ەكەن. الداعى ۋاقىتتا دا حالىققا قاجەتتى, كۇندەلىكتى تۇتىناتىن وسىنداي تاۋارلاردىڭ باعاسى كۇرت كوتەرىلىپ كەتپەسە دەگەن تىلەگىمىز بار.
ءوزىم بۇل حاباردى ەستىگەن كەزدە ۇكىمەتتىڭ نە ايتىپ جاتقانىن, ۇلتتىق بانكتىڭ قانداي مالىمدەمە جاساعانىن بىلگىم كەلىپ, وتاندىق تەلەارنالاردى قوسىپ, تىڭدادىم. ارينە, ءارتۇرلى پىكىرلەردى ەستىدىم. ماسەلەن, ءبىر ازاماتتار دوللاردىڭ وسۋىنە بايلانىستى داۋرىعۋدىڭ قاجەتى جوعىن, بۇل جاعداي كەرىسىنشە وتاندىق كاسىپكەرلەردىڭ يمپورت پەن ەكسپورتتاعى باسەكەلەستىگىن ارتتىرا تۇسەتىندىگىن العا تارتۋدا. ال ۇكiمەت پەن جەرگiلiكتi اتقارۋشى ورگاندار ۇلتتىق بانكپەن بiرلەسiپ, باعانىڭ بىردەن وسۋىنە جول بەرمەۋ جۇمىستارىن جۇرگiزەتiندەرىن, دوللاردىڭ تەڭگەگە شاققانداعى باعامىنىڭ تەڭگەرىمدىلىگىن ۇستاپ تۇرۋ ءۇشىن بارلىق جاعداي جاسايتىنىن, العاشقى كۇندەرi مۇنداي جاعدايدىڭ ورىن الۋى زاڭدىلىق ەكەنىن, الايدا, تەڭگە باعامىنا قاتىستى جاعداي بiرنەشە كۇننiڭ iشiندە تۇراقتالاتىنىن ايتىپ جاتىر.
دەمەك, بۇل ماسەلە – ۇكىمەتتىڭ دە, ۇلتتىق بانكتىڭ دە ايرىقشا نازارىندا تۇر دەگەن ءسوز. پرەزيدەنت ءاردايىم حالىقتىڭ الەۋمەتتىك جاعدايىنا ايرىقشا ءمان بەرىپ وتىراتىنىن بىلەمىز. الەۋمەتتىڭ الەۋەتىنە, حالىقتىڭ تۇرمىس-دەڭگەيىنە, مەملەكەتىمىز ەكونوميكاسىنىڭ كوتەرىلۋىنە قاتىستى ماسەلەلەردى ءوزىنىڭ جىل سايىنعى جولداۋىنان دا تىس قالدىرعان ەمەس.
ءمارياش بورانبەكوۆا,
زەينەتكەر.
استانا.