«التى الاشتىڭ بالاسى باس قوسسا – ءتور مۇعالىمدىكى» دەگەن ەكەن ماعجان جۇماباەۆ. بۇگىنگى جاستىڭ بولاشاعى تىكەلەي مۇعالىمنىڭ بەرگەن بىلىمىنە, باعىت-باعدارىنا بايلانىستى. ۇلكەن ومىرگە اتا-انا قالاي باۋلىسا, مۇعالىمنىڭ مىندەتى دە ءدال سولاي. الايدا, مىناۋ نارىق زاماندا ۇستازدىڭ ايلىعى, جۇمىسىنا ساي بولۋى, مارتەبەسىنىڭ بيىك بولۋى كەرەك. وسىنى ەسكەرگەن پرەزيدەنت قاسىم-جومارت توقاەۆ «پەداگوگ مارتەبەسى تۋرالى» زاڭعا قول قول قويعان. ءسويتىپ مەكتەپ مۇعالىمدەرىنىڭ عانا ەمەس, جوعارى وقۋ ورىندا ساباق بەرەتىن ۇستازداردىڭ دا ايلىقتارى ارتتى, دەپ جازادى Egemen.kz.
كەشە عانا كوتەرىلگەن جالاقى العان شىعىس قازاقستان تەحنيكالىق ۋنيۆەرسيتەتىنىڭ پروفەسسورلىق-وقىتۋشىلىق قۇرامى ايلىقتارىنىڭ ارتقانىن كورىپ قۋانىپ ءجۇر. مىناۋ قىمباتشىلىق زاماندا زاڭ قابىلداعان پرەزيدەنت قاسىم-جومارت توقاەۆقا, ەرەن ەڭبەگىمەن ۇستازداردىڭ العىسىن ارقالاپ جۇرگەن ءبىلىم جانە عىلىم ءمينيسترى اسحات ايماعامبەتوۆكە مۇعالىمدەر قاۋىمى ريزا.
ەستەرىڭىزدە بولسا, قازاقستاندا جاڭا 2021-2022 وقۋ جىلىنان باستاپ مەملەكەت باسشىسىنىڭ قولداۋىمەن قر ءبىلىم جانە عىلىم مينيسترلىگى جوعارى وقۋ ورىندارىنىڭ شتاتتىق قىزمەتكەرلەرىنە ەڭ تومەنگى جالاقىنى بەلگىلەۋ, سونداي-اق پەداگوگيكالىق جۇكتەمەنى ازايتۋ تۋرالى بۇيرىق قابىلدادى. سوعان وراي اتىلمىش وقۋ ورنىندا عىلىمي-پەداگوگيكالىق قىزمەتكەرلەردىڭ جالاقىسى 1 قىركۇيەكتەن باستاپ ايتارلىقتاي جوعارىلادى.
تەحنيكالىق ۋنيۆەرسيتەت رەكتورى جاسۇلان شايماردانوۆتىڭ مالىمەتتەرى بويىنشا شتاتتاعى وقىتۋشىنىڭ بازالىق جالاقىسى 200 مىڭ تەڭگەنى, اعا وقىتۋشىنىڭ جالاقىسى 230 مىڭ تەڭگەنى, پروفەسسورلار قاۋىمداستىعىنىڭ (دوتسەنتتىڭ) جالاقىسى 260 مىڭ تەڭگەنى, پروفەسسوردىڭ جالاقىسى 350 مىڭ تەڭگەنى قۇرادى.
ء«بىر مولشەرلەمەنىڭ ماكسيمالدى كولەمى ەندى وقۋ جىلى ىشىندە 550 ساعاتتان اسپايدى, ياعني وقۋ جۇكتەمەسى تومەندەتىلدى. وزگەرىس پروفەسسورلىق-وقىتۋشىلىق قۇرامنىڭ عىلىمي قىزمەتپەن اينالىسۋىنا كوبىرەك مۇمكىندىكتەر مەن ۋاقىتىن قامتاماسىز ەتۋگە ارنالعان», دەپ ءتۇسىندىردى جاسۇلان شايماردانوۆ.
سونىمەن قاتار جوو وقىتۋشىلارى ءۇشىن ىنتالاندىرۋ ۇستەمەلەرى دە قاراستىرىلعان. وسىلايشا, حيرشا يندەكسى بار (عىلىمي جاريالانىمدار ءماسسيۆى) – 3 جانە ودان جوعارى; ءبىلىم بەرۋ باعدارلامالارىنا جەتەكشى باسشىلىق ەتەتىن; قر بعم ۇسىنعان وقۋلىقتاردى جاريالايتىن; رواك ۇسىنعان وقۋ-ادىستەمەلىك قۇرالداردى شىعارۋمەن اينالىساتىن پەداگوگتار جالاقىعا ۇستەماقىنى قوسا الادى. قوسا ايتا كەتەرلىگى, وقىتۋشىلار جالاقى بونۋستارىن ستۋدەنتتەردىڭ پاندىك وليمپيادالارداعى, سپورتتىق جارىستارداعى, قر بعم ۇسىنعان سعزج كونكۋرستارىنداعى ەلەۋلى جەتىستىكتەرى ءۇشىن, سونداي-اق كاسىبي باعىت بويىنشا حالىقارالىق دەڭگەيدە سەرتيفيكاتتالعان كۋرستى مەڭگەرگەنى ءۇشىن الا الادى.
جوو وقىتۋشىلارىندا IELTS Academic, TOEFL IBT, TOEFL PBT, TOEIC حالىقارالىق سەرتيفيكاتتارىنىڭ, Teaching Knowledge Test اعىلشىن ءتىلى سەرتيفيكاتىنىڭ, قازتەست سەرتيفيكاتىنىڭ (انا ءتىلى ەمەس) بولۋى قوسىمشا تولەمدەر ءۇشىن نەگىز بولىپ تابىلادى.
مىسالى, «ا» مۇعالىمىنىڭ ELTS سەرتيفيكاتى (KazTest) بار ەڭ تومەنگى جالاقىسى 245 مىڭ تەڭگە, اعا وقىتۋشى «B» (عىلىمي دارەجەسى بار) حيرش يندەكسى 3 جانە IELTS سەرتيفيكاتى (KazTest) بولسا, 338 مىڭ تەڭگە بولادى, حيرش يندەكسى 5 جانە IELTS سەرتيفيكاتى (KazTest) بار «س» قاۋىمداستىرىلعان پروفەسسور (دوتسەنت) 378 مىڭ تەڭگەنى قۇرايدى, حيرش يندەكسى 10 مەن IELTS سەرتيفيكاتى بار «D» پروفەسسورى (KazTest), 540 مىڭ تەڭگەنى قۇرايدى.
«عىلىممەن اينالىسقان مۇعالىم تۇرمىستىق ماسەلەلەرگە كوپ الاڭداماۋى كەرەك. ونداي بولسا, جۇمىستىڭ ساپاسى كەتەدى. بەلگىلى ءبىر ناتيجەگە قول جەتكىزۋ مۇمكىندىگى قيىندايدى. سوندىقتان جوو وقىتۋشىلارىنىڭ جالاقىسىن يندەكستەۋ وتە ماڭىزدى ءارى ۋاقتىلى جاسالعان قادام دەپ سانايمىن. لايىقتى ەڭبەك لايىقتى تولەمگە ساي بولعانى دۇرىس», دەيدى فيزيكا-ماتەماتيكا فاكۋلتەتى دەكانىنىڭ ورىنباسارى گاۋھار تاجىباەۆا.