كوروناۆيۋرس پاندەمياسىمەن كۇرەس بويىنشا ازاماتتىق شتاب «ۆاكتسينالاۋ: جاقتايتىندار مەن قارسىلىق تانىتقاندار» اتتى الەۋمەتتىك ساۋالداما ناتيجەسىمەن ءبولىستى.
كوروناۆيرۋس پاندەمياسىنا قارسى «ەل ءۇشىن ەگىلەمىن» ازاماتتىق شتاب وكىلدەرى قازاقستاننىڭ بارلىق ءوڭىرى مەن رەسپۋبليكالىق ماڭىزى بار قالالار بويىنشا 18 جاستان اسقان 2 559 رەسپوندەنتتەن تاۋەلسىز الەۋمەتتىك ساۋالداما الدى.
بۇل ساۋالداماعا قاتىسقانداردىڭ باسىم بولىگى, اتاپ ايتقاندا, 65,6%-ى كوروناۆيرۋس ينفەكتسياسىمەن اۋىرماعان. دەگەنمەن 3%-ى COVID-19 جۇقتىرىپ, اۋرۋحاناعا جاتقىزىلعان (پتر تەستىلەۋ كەزىندە ۆيرۋس انىقتالعان), ال رەسپوندەنتتەردىڭ 21,4%-ىندا ۆيرۋس بەلگىلەرى بولعان, الايدا ولار پتر تەستىن تاپسىرماعان. بۇل كەيبىر ازاماتتاردىڭ الەۋمەتتىك جاۋاپكەرشىلىگى جوقتىعىنان حابار بەرەدى.
زاڭگەر, نۇر-سۇلتان قالاسىنداعى زاڭگەرلەر وداعى فيليالىنىڭ توراعاسى, ازاماتتىق شتاب مۇشەسى سەرىك بەركامالوۆ دەنساۋلىق ساقتاۋ مينيسترلىگى وكىلدەرىن ساۋالداما ناتيجەسىمەن تانىستىرۋ كەزىندە زەرتتەۋ سۇرالعانداردىڭ جالپى ەكپە مەن COVID-19-عا قارسى ۆاكتسيناعا دەگەن كوزقاراسىن بايقاۋعا مۇمكىندىك بەرگەنىن اتاپ ءوتتى. مىسالعا, قاتىسقانداردىڭ 11,9%-ى ەكپەگە قارسى بولسا, 24,2%-ى قولداعان. سۇرالعانداردىڭ 69,9%-ى جالپى ەكپەگە, ال 58,5%-ى COVID-19-عا قارسى ۆاكتسيناعا قارسىلىق تانىتىپ وتىر. جالپى ۆاكتسينالاۋعا رەسپوندەنتتەردىڭ 18,5%-ى, ال COVID-19-عا قارسى ەكپەگە 17,4% بەيتاراپ پىكىر ءبىلدىردى. وڭىرلەر بويىنشا ايتاتىن بولساق, COVID-19-عا قارسىلىق تانىتقاندار سانى بويىنشا سولتۇستىك قازاقستان (46%), اتىراۋ وبلىسى (37,8%) جانە الماتى وبلىسى (35,2 پايىز) الدا. كوروناۆيرۋسقا قارسى ۆاكتسيناعا بەيتاراپ پىكىر بىلدىرگەن وڭىرلەر تۇركىستان وبلىسى (7,1%), باتىس قازاقستان وبلىسى (10,8 %) جانە جامبىل وبلىسى (11,8%). بۇل تۇركىستان وبلىسى ۆاكتسينالاۋ بويىنشا كوش باستاپ, كوروناۆيرۋس ينفەكتسياسى بويىنشا «جاسىل ايماققا» اۋىسقانىن بىلدىرەدى.
ساۋالداما ناتيجەسى بويىنشا, دەنساۋلىق ساقتاۋ مينيسترلىگى COVID-19-عا قارسى ۆاكتسيناعا سەنىمى تومەن ايماقتاردا اقپاراتتىق جۇمىس جۇرگىزۋگە دايىن. جۇرگىزىلگەن ساۋالدامادان شىققان ناتيجە – COVID-19-عا قارسى ۆاكتسينا قاۋىپسىز. تەك 2 پايىز رەسپوندەنت ۆاكتسينانىڭ دەنساۋلىققا ۇزاق جاناما اسەرى بارىن اتاپ وتكەن.
ايتا كەتەلىك, 2021 جىلدىڭ 3 تامىزى كۇنى قازاقستانداعى كوروناۆيرۋس پاندەمياسىمەن كۇرەس بويىنشا «ەل ءۇشىن ەگىلەمىن» ازاماتتىق شتابى قۇرىلدى. ازاماتتىق شتابتىڭ ماقساتى – COVID-19-عا قاتىستى بارىنشا شىنايى اقپارات تاراتىپ, ازاماتتاردى ۆاكتسينا الۋعا ۇگىتتەۋ. ۇيىمداستىرۋشلار ەلىمىزدى قالىپتى, كوۆيدكە دەيىنگى ومىرگە قايتارۋدى ماقسات ەتىپ وتىر. ال بۇل ۇجىمدىق يممۋنيتەتتى قالىپتاستىرىپ, حالىقتىڭ 70-80 پايىزىن ەگۋ ارقىلى كوروناۆيرۋسپەن اۋىرعاندار مەن كوز جۇمعاندار سانىن ازايتقان كەزدە عانا مۇمكىن بولماق. حالىققا شىنايى ۆاكتسينا تۋرالى اقپارات تاراتۋعا قول ۇشىن بەرمەك بەلسەندىلەر اراسىندا ۆياچەسلاۆ لوكشين, جىبەك جولداسوۆا, رافايل روزەنسون, دينارا ءساتجان, راحىم وشاقباەۆ, اسەل قاراۋلوۆا, سايدا تاۋكەلەۆا, مايرا يزمايلوۆا سياقتى تاعى باسقا بەلگىلى مەديتسينا ماماندارى, كاسىپكەرلەر, ازاماتتىق قوعام بەلسەندىلەرى, قوعام قايراتكەرلەرى مەن ساراپشىلار بار. باستاماشىل توپقا 200-دەن استام جوعارى كاسىبي ماماندار كىردى. ولار ءوز بىلىمدەرىن, كاسىبي تاجىريبەلەرىن جانە باسقا دا رەسۋرستارىن ەلدى ۆاكتسيناعا قاتىستى حاوستان شىعارۋ ءۇشىن جۇمساۋعا دايىن.