ازەربايجاندىق اۆياكومپانيالار ارمەنيانىڭ اۋە كەڭىستىگىن باكۋدەن ناحيچەۆانعا جولاۋشىلار رەيستەرىن جۇزەگە اسىرۋ ءۇشىن قولدانا باستادى, دەپ حابارلايدى Egemen.kz تاسس-قا سىلتەمە جاساپ.
بۇل تۋرالى ازەربايجان اۋە تاسىمالداۋشىسىنىڭ جاريالانعان حابارلاماسىندا ايتىلعان.
«ازەربايجان اۋە كومپانياسى باكۋ-ناحچىۆان ىشكى رەيسىن ورىنداۋ كەزىندە ارمەنيا اۋماعى ۇستىندەگى اۋە كەڭىستىگىن پايدالانا باستادى. بۇل قادام ازەربايجاننىڭ وڭىردەگى كولىك كوممۋنيكاتسيالارىنىڭ قۇلپىن اشۋعا باتىل دايىندىعىن كورسەتەدى, بۇل بارلىق شەكارا ماڭى ەلدەرىنىڭ مۇددەلەرىنە ساي كەلەدى», دەلىنگەن حابارلامادا.