«بارىس» بۇگىن قۇرلىقتىق حوككەي ليگاسىنداعى كەزەكتى ويىنىن ەلوردادا رەسەيدىڭ «اۆانگارد» (ومبى) كومانداسىمەن وتكىزەدى, دەپ حابارلايدى Egemen.kz.
كەزدەسۋ ەلوردا ۋاقىتىمەن 19:30-دا باستالىپ, «Qazsport» تەلەارناسىنان تىكەلەي ەفيردە كورسەتىلەدى.
ەكى كوماندا بۇگىنگە دەيىن 59 مارتە شەبەرلىك بايقاستى. ونىڭ 20-ى «بارىستىڭ» باسىمدىعىمەن اياقتالسا, قالعانىندا رەسەيلىك كلۋبتىڭ مەرەيى ۇستەم بولدى.
«بارىس» بيىلعى ءتۋرنيردىڭ سوڭعى التى كەزدەسۋىنىڭ ەكەۋىندە جەڭىسكە جەتىپ, قالعانىندا قارسىلاستارىنا ەسە جىبەرىپ قويدى. ال «اۆانگارد» التى ويىننىڭ ۇشەۋىندە جەڭىسكە جەتتى.