وتكەن جىلدىڭ سوڭىندا مەملەكەت باسشىسى قول قويعان «قازاقستان رەسپۋبليكاسىنىڭ كەيبىر زاڭنامالىق اكتىلەرىنە سىبايلاس جەمقورلىققا قارسى ءىس-قيمىل ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭعا سايكەس كۆازيمەملەكەتتىك سەكتور سۋبەكتىلەرىندە سىبايلاس جەمقورلىققا قارسى كومپلاەنس-قىزمەتتەردىڭ مىندەتتەرىن ورىندايتىن قۇرىلىمدىق بولىمشەلەر ايقىندالۋعا ءتيىس.
سىبايلاس جەمقورلىققا قارسى كومپلاەنس قىزمەتىنىڭ نەگىزگى ميسسياسى – ۇيىمنىڭ جانە ونىڭ قىزمەتكەرلەرىنىڭ سىبايلاس جەمقورلىققا قارسى ءىس-قيمىل تۋرالى زاڭنامانى ساقتاۋىن قامتاماسىز ەتۋ. كومپلاەنس قىزمەتى – رەسمي مارتەبەسى, بارلىق قاجەتتى اقپاراتتى الۋعا قول جەتكىزۋ قۇقىعى, كومپلاەنس-باقىلاۋ سالاسىنداعى قاجەتتى ساراپشىلاردى تارتا وتىرىپ, الەۋەتتى زاڭ بۇزۋشىلىقتار بويىنشا ىشكى تەرگەۋ جۇرگىزۋ قۇقىعى بار ۇيىمداعى تاۋەلسىز بولىمشەلەر. بۇدان باسقا, سىبايلاس جەمقورلىققا قارسى كومپلاەنس-قىزمەتتەردىڭ قىزمەتكەرلەرى ءوز پىكىرىن ءبىلدىرۋ جانە تاۋەكەلدەردى باقىلاۋ پروتسەسىندە انىقتالعان زاڭ بۇزۋشىلىققا قاتىستى مالىمەتتەردى بەرۋ ءۇشىن القالى ورگانعا تىكەلەي قول جەتكىزە الۋعا ءتيىس.
وسىلايشا, سىبايلاس جەمقورلىققا قارسى كومپلاەنس قىزمەتتەر – سىبايلاس جەمقورلىققا قارسى ءىس-قيمىل اگەنتتىگىنىڭ جەرگىلىكتى جەرلەردەگى كوميسسارلارى, ولار سىبايلاس جەمقورلىققا قارسى ءىس-قيمىلدىڭ كوپ دەڭگەيلى جۇيەسىن تابىستى ىسكە اسىرۋدى قامتاماسىز ەتە وتىرىپ, رەتتەۋشى جانە قاداعالاۋشى ورگانداردىڭ بارلىق ساناتتارىمەن ءوزارا ءىس-قيمىل جاسايدى.
ۇلتتىق كينونى قولداۋ مەملەكەتتىك ورتالىعى (ۇكقمو) كۆازيمەملەكەتتىك سەكتوردىڭ سۋبەكتىسى بولىپ سانالادى, ونىڭ مىندەتى – كينەماتوگرافيا سالاسىنداعى مەملەكەتتىك ساياساتتى ىسكە اسىرۋ جانە وتاندىق كينووندىرىستى دامىتۋ ءۇشىن جاعداي جاساۋ.
ۇكقمو قىزمەتىنىڭ ءبىر ءتۇرى – ۇلتتىق فيلمدەر دەپ تانىلۋعا ءۇمىتتى كينوجوبالاردى قارجىلاندىرۋ. وكىنىشكە قاراي, تاجىريبە كورسەتكەندەي, بۇل سالا سىبايلاس جەمقورلىق تاۋەكەلدەرىنە بەيىم. سوندىقتان كينوورتالىق ءوزىنىڭ العاشقى كۇنىنەن باستاپ وتاندىق كينويندۋستريانى دامىتۋدىڭ جاڭا كەلبەتىن جاساۋعا باعىت الدى, ونىڭ نەگىزىندە فيلمدەردى ۇلتتىق دەپ تانۋعا ارنالعان اشىق پيتچينگتەر – كونكۋرستار وتكىزۋ جانە ولاردى كەيىننەن مەملەكەتتىك قارجىلاندىرۋعا شىعارۋ جاتىر. بۇگىندە فيلمدەردى مەملەكەتتىك قارجىلاندىرۋ تۋرالى شەشىم ساراپتاما كەڭەسىنىڭ قورىتىندىسى مەن ۆەدومستۆوارالىق كوميسسيانىڭ ۇسىنىمدارى نەگىزىندە قابىلدانادى. كينوورتالىق پايدا بولعاننان كەيىن فيلمدەردى بيۋدجەتتەۋ جۇيەسىنىڭ ءوزى تۇبەگەيلى وزگەردى. ۇكقمو باسىمدىقتارىنىڭ نەگىزىندە پروكات كوشباسشىلارى مەن ەڭبەك سىڭىرگەن كينو قايراتكەرلەرىن قولداۋ عانا ەمەس, سونىمەن قاتار دەبيۋتتىك, انيماتسيالىق جانە اۆتورلىق كينو سياقتى باعىتتاردى دامىتۋ جاتىر.
وسىعان بايلانىستى, سىبايلاس جەمقورلىق قۇقىق بۇزۋشىلىقتاردىڭ قايتالانۋىن بولدىرماۋ جانە سىبايلاس جەمقورلىققا قارسى ءىس-قيمىل بويىنشا پروفيلاكتيكالىق جۇمىستى جەتىلدىرۋ ماقساتىندا ۇكقمو باسقارماسىنىڭ توراعاسى ەسەتجان قوسىباەۆتىڭ بۇيرىعىمەن ۇستىمىزدەگى جىلدىڭ ناۋرىز ايىندا سىبايلاس جەمقورلىققا قارسى ءىس-قيمىل بويىنشا ءىس-شارالار ازىرلەۋ جونىندەگى جۇمىس توبى قۇرىلدى. ونىڭ نەگىزگى مىندەتتەرى: سىبايلاس جەمقورلىققا قارسى ءىس-قيمىل بويىنشا ىشكى قۇجاتتاردى ازىرلەۋ, سىبايلاس جەمقورلىققا قارسى مونيتورينگ جۇرگىزۋ جانە ۇيىم قىزمەتىندەگى سىبايلاس جەمقورلىق تاۋەكەلدەرىن انىقتاۋ, ۇجىمدا ءتۇسىندىرۋ جۇمىستارىن جۇرگىزۋ, مۇددەلەر قاقتىعىسىن انىقتاۋ جانە رەتتەۋ, كورپوراتيۆتىك ەتيكالىق قۇندىلىقتاردى دامىتۋ.
كورپوراتيۆتىك باسقارۋدىڭ وزىق تاجىريبەلەرىن قولدانۋ ماقساتىندا ۇكقمو-دا كومپلاەنس-باقىلاۋ فۋنكتسياسى ەنگىزىلىپ, ىسكە اسىرىلۋدا, ونىڭ ماقساتى – كومپلاەنس-تاۋەكەلدەردى باسقارۋ. بۇل جۇمىستى ىسكە اسىرۋ باسشىدان جانە باس كومپلاەنس-باقىلاۋشىدان تۇراتىن كومپلاەنس قىزمەتىنە جۇكتەلگەن. ونىڭ قۇزىرەتىنە كينوورتالىق قىزمەتىنىڭ قولدانىستاعى زاڭنامانىڭ, ونىڭ ىشىندە ۋاكىلەتتى ورگاننىڭ نورماتيۆتىك-قۇقىقتىق اكتىلەرىنىڭ, سونداي-اق كومپانيانىڭ ىشكى ەرەجەلەرى مەن راسىمدەرىنىڭ تالاپتارىنا سايكەستىگىنە ىشكى باقىلاۋدى جۇزەگە اسىرۋ كىرەدى. كومپلاەنس قىزمەتى سونىمەن قاتار الاياقتىق پەن سىبايلاس جەمقورلىققا قارسى ءىس-قيمىل جۇيەسىن ۇيىمداستىرۋعا جانە ونىڭ جۇمىس ىستەۋىنە جاۋاپ بەرەدى.
– بۇگىنگى تاڭدا الەمدە كورپوراتيۆتىك پاراساتتىلىقتى قامتاماسىز ەتۋدىڭ جانە سىبايلاس جەمقورلىقتى جويۋدىڭ نەگىزگى قۇرالى – تاۋەكەلدەردى باسقارۋ جانە ىشكى باقىلاۋ شەڭبەرىندەگى تاۋەلسىز كومپلاەنس قىزمەتتەرىنىڭ ءتيىمدى قىزمەتى بولىپ سانالادى, – دەپ اتاپ ءوتتى «ۇلتتىق كينونى قولداۋ مەملەكەتتىك ورتالىعى» كەاق كومپلاەنس-قىزمەتىنىڭ باسشىسى مارات كامزولداەۆ.
كومپلاەنس قىزمەتى ماماندارىنىڭ نەگىزگى مىندەتتەرىنىڭ ءبىرى – سىبايلاس جەمقورلىقتىڭ الدىن الۋ جانە ۇيىمنىڭ ىسكەرلىك بەدەلىن قورعاۋ. بۇل رەتتە ەڭ ماڭىزدى باسىمدىعى – الدىن-الۋ.
ۇكقمو لاۋازىمدى تۇلعالار مەن ماماندار اراسىنداعى سىبايلاس جەمقورلىق پەن الاياقتىقتىڭ بارلىق فاكتىلەرى, ولاردىڭ تاراپىنان قازاقستان رەسپۋبليكاسى زاڭناماسىنىڭ, ونىڭ ىشىندە ۋاكىلەتتى مەملەكەتتىك ورگانداردىڭ نورماتيۆتىك-قۇقىقتىق اكتىلەرىنىڭ نورمالارىن, كومپانيانىڭ ىشكى نورماتيۆتىك قۇجاتتارىن بۇزۋ تۋرالى حابارلامالاردى adaldyqalany@kazakhcinema.kz ەلەكتروندى پوشتاسىنا جولداۋدى سۇرايدى. قۇپيالىلىققا كەپىلدىك بەرىلەدى. جاقىن ارادا ىقتيمال سىبايلاس جەمقورلىق فاكتىلەرى بويىنشا جۇگىنۋگە بولاتىن «جەدەل» جەلىنى قۇرۋ جوسپارلانۋدا. كينوورتالىقتىڭ رەسمي سايتىندا بارلىق قاجەتتى اقپارات قولجەتىمدى بولاتىن ارنايى ءبولىم اشىلادى.
– بۇل شارالاردىڭ بارلىعى, ءبىرىنشى كەزەكتە, سىبايلاس جەمقورلىققا قارسى مادەنيەتتى قالىپتاستىرۋعا جانە پاراساتتىلىق قۇندىلىقتارىن ىلگەرىلەتۋ ءۇشىن قولايلى ورتا قۇرۋعا باعىتتالعان, – دەيدى ۇكقمو باسشىسى ەسەتجان قوسىباەۆ.
ۇلتتىق كينونى قولداۋ مەملەكەتتىك ورتالىعىنىڭ كومپلاەنس قىزمەتى ۇيىم ىشىندەگى سىبايلاس جەمقورلىق ارەكەتتەرىنىڭ الدىن الۋ قۇرالى رەتىندە ءتيىمدى بولاتىنى ءسوزسىز.