قورعانىس مينيسترلىگى قازاقستان رەسپۋبليكاسىنىڭ ازاماتتارىن اسكەري قىزمەتكە شاقىرۋدى ۇيىمداستىرۋ جانە جۇرگىزۋ قاعيدالارىنا وزگەرىستەر مەن تولىقتىرۋلار ەنگىزىلەتىن ۇكىمەت قاۋلىسىنىڭ جوباسىن دايىندادى, دەپ حابارلايدى Egemen.kz.
ماسەلەن, وبلىستىق (رەسپۋبليكالىق ماڭىزى بار قالانىڭ نەمەسە استانانىڭ) اسكەرگە شاقىرۋ كوميسسياسى ازاماتتارعا اسكەري قىزمەتكە شاقىرۋدى كەيىنگە قالدىرۋدى جانە ودان بوساتۋدى بەرۋدىڭ, ونىڭ ىشىندە بەيبىت ۋاقىتتا اسكەري قىزمەتكە جارامسىز, سوعىس ۋاقىتىندا شەكتەۋلى جارامدى جانە اسكەري ەسەپتەن شىعارا وتىرىپ, اسكەري قىزمەتكە جارامسىز دەپ تانىلعان اسكەرگە شاقىرىلۋشىلاردىڭ بارلىق جەكە ىستەرىنە تەكسەرۋ جۇرگىزۋدىڭ دۇرىستىعىن تەكسەرەدى دەپ ايتىلادى.
مەرزىمدى اسكەري قىزمەتكە شاقىرۋدى كەيىنگە قالدىرۋ نەمەسە ودان بوساتۋ تۋرالى قۇجاتتار مەن شاقىرۋ كوميسسياسىنىڭ قورىتىندىسىن تەكسەرۋ ناتيجەلەرى بويىنشا اسكەرگە شاقىرىلۋشىنىڭ ەسەپكە الۋ كارتاسىندا اسكەرگە شاقىرۋ كوميسسياسىنىڭ شەشىمىن بەكىتۋ تۋرالى (قورعانىس ىستەرى جونىندەگى دەپارتامەنتتىڭ ەلتاڭبالى مورىمەن) نەمەسە ازاماتتى قايتا كۋالاندىرۋعا جىبەرۋ تۋرالى بەلگى جاسالادى.
مەرزىمدى اسكەري قىزمەتكە شاقىرۋدى كەيىنگە قالدىرۋدى نەمەسە ودان بوساتۋدى ۇسىنۋ ءتارتىبى «اسكەرگە شاقىرۋدى كەيىنگە قالدىرۋدى ۇسىنۋ» مەملەكەتتىك قىزمەت كورسەتۋ ەرەجەسىنە جانە «ازاماتتاردى اسكەري قىزمەتكە شاقىرۋدان بوساتۋ» مەملەكەتتىك قىزمەت كورسەتۋ ەرەجەسىنە سايكەس جۇزەگە اسىرىلادى.
«اسكەرگە شاقىرىلۋشىلاردىڭ شاقىرۋ كوميسسياسىنا دالەلسىز سەبەپتەرمەن كەلمەي قالعان, سونداي-اق شاقىرۋ قاعازىن ازاماتتىڭ جەكە وزىنە تاپسىرۋ مۇمكىن بولماعان بارلىق جاعدايلار تۋرالى قورعانىس ىستەرى جونىندەگى باسقارمالاردىڭ (بولىمدەردىڭ) باستىقتارى ولاردى ىزدەستىرۋ جانە شاقىرۋ پۋنكتىنە كەلۋىن قامتاماسىز ەتۋ ءۇشىن قازاقستان رەسپۋبليكاسىنىڭ ىشكى ىستەر ورگاندارىنا حابارلايدى», - دەلىنگەن قۇجاتتا.
مەرزىمدى اسكەري قىزمەتكە شاقىرۋدان جالتارعان جانە اسكەرگە شاقىرۋ كەزەڭىندە اسكەرگە شاقىرۋ مەديتسينالىق كوميسسيالارىنا بولىپ تابىلمايتىن اسكەرگە شاقىرىلۋشىلاردى ىزدەستىرۋدى ۇيىمداستىرۋ جانە جۇرگىزۋ ءۇشىن قورعانىس ىستەرى جونىندەگى باسقارمالار مەن ىشكى ىستەر ورگاندارى اسكەري مىندەتتى اتقارۋدان جالتارعان ازاماتتاردى ىزدەستىرۋ جانە ولاردىڭ اسكەري ەسەپكە قويۋ نەمەسە اسكەري قىزمەتكە شاقىرىلۋىن قامتاماسىز ەتۋ جونىندەگى بىرلەسكەن قىزمەت جوسپارلارىن ازىرلەيدى, تۇراقتى جۇمىس ىستەيتىن بىرلەسكەن توپتار قۇرادى.
سونداي-اق, دەنساۋلىق جاعدايى بويىنشا اسكەري قىزمەتكە جارامسىز دەپ تانىلعانداردان باسقا, اسكەرگە شاقىرۋدان بوساتۋعا قۇقىعى بار اسكەرگە شاقىرىلۋشىلار ودان جانە مۇددەلى ادامداردان ءتيىستى نوتاريالدى كۋالاندىرىلعان وتىنىشتەر ۇسىنىلعان كەزدە وزدەرىنىڭ قالاۋى بويىنشا مەرزىمدى اسكەري قىزمەتكە شاقىرىلۋى مۇمكىن ەكەندىگى ايتىلادى.
27 جاسقا تولعاننان كەيىن ءارتۇرلى سەبەپتەر بويىنشا مەرزىمدى اسكەري قىزمەتكە شاقىرىلماعان قازاقستاندىقتار قورعانىس ىستەرى جونىندەگى باسقارما كوميسسياسىنىڭ اكتىسىنە سايكەس مەديتسينالىق كۋالاندىرۋدان وتپەي-اق زاپاسقا بەرىلەدى.
بەيبىت ۋاقىتتا اسكەري قىزمەتكە جارامسىز, سوعىس ۋاقىتىندا شەكتەۋلى جارامدى دەپ تانىلعان, سونداي-اق اسكەري ەسەپتەن شىعارا وتىرىپ, اسكەري قىزمەتكە جارامسىز دەپ تانىلعان ادامدارعا ەلەكتروندىق قۇجات نىسانىندا مەرزىمدى اسكەري قىزمەتكە شاقىرۋدان بوساتۋ تۋرالى قورىتىندى شىعارىلادى.
دەنساۋلىق جاعدايى بويىنشا اسكەري قىزمەتكە كەيىنگە قالدىرىلعان نەمەسە ودان بوساتىلعان بارلىق ازاماتتاردىڭ جەكە ىستەرى زەردەلەۋ ءۇشىن شاقىرۋ كوميسسياسىنا جىبەرىلەدى.
قۇجاتتاردى تەكسەرۋ ناتيجەلەرى بويىنشا شاقىرۋ كوميسسياسى اسكەرگە شاقىرىلۋشىنىڭ ەسەپكە الۋ كارتاسىندا اسكەرگە شاقىرۋ كوميسسياسىنىڭ شەشىمىن بەكىتۋ تۋرالى نەمەسە ازاماتتى قايتا كۋالاندىرۋعا جىبەرۋ تۋرالى بەلگى جاسايدى.
دەنساۋلىق جاعدايى بويىنشا اسكەري قىزمەتكە جارامدىلىق ساناتى تۋرالى شاقىرۋ كوميسسياسىنىڭ شەشىمىمەن كەلىسپەيتىنىن مالىمدەگەن ازاماتتار دا قايتا كۋالاندىرۋعا جاتادى. شاقىرۋ كوميسسياسىنىڭ شەشىمى بەكىتىلگەننەن كەيىن زاپاس بويىنشا ەسەپكە الۋ-اسكەري قۇجاتتار رەسىمدەلەدى.
تۇزەتۋلەردىڭ تولىق ءماتىنىن «اشىق نقا» سايتىنان كورۋگە بولادى, وندا قۇجات 18 قازانعا دەيىن جاريا تالقىلاۋ ءۇشىن ورنالاستىرىلعان.