مەكەمەنىڭ داياشىسى پوليتسيا شاقىرۋعا ءماجبۇر بولعان, دەپ جازادى Egemen.kz.
«پەتروپاۆلوۆسك News» جازۋىنشا, قر اشم ۆەتەرينارلىق باقىلاۋ جانە قاداعالاۋ كوميتەتىنىڭ سولتۇستىك قازاقستان وبلىسى بويىنشا اۋماقتىق ينسپەكتسياسى باستىعىنىڭ ورىنباسارى سەرگەي كالياكين (ول سونداي-اق ادەپ جونىندەگى كەڭەستىڭ ۋاكىلەتتى وكىلى) جانە سول كوميتەتتىڭ ەسىل اۋداندىق اۋماقتىق ينسپەكتسياسىنىڭ باستىعى تاڭاتار ايحوجاەۆ كافەدە شۋ شىعارىپ, ىدىس-اياق سىندىرعان. مەديتسينالىق ساراپتاما ولاردىڭ ورتاشا دارەجەدە الكوگولدىك ماس كۇيدە بولعانىن كورسەتتى. شەنەۋنىكتەر ۆەتەرينارلىق شارالاردى جۇرگىزۋ ءۇشىن ىسساپارعا جىبەرىلگەن.
دەرەككوزدىڭ اقپاراتىنا سۇيەنسەك, ادەپ جونىندەگى كەڭەستە سەرگەي كالياكيننىڭ ءىس-ارەكەتى تولىقتاي قارالماستان, جاي عانا قىزمەتىنەن بوساتىلعان. سوندىقتان ول ءبىراز ۋاقىتتان كەيىن قايتادان مەملەكەتتىك قىزمەتكە ورنالاسا الادى. ال تاڭاتار ايقوجاەۆتىڭ ارەكەتى كەڭەستە ەگجەي-تەگجەيلى قارالعان.
كەڭەستە كوپشىلىك ايحوجاەۆتى اقتاۋعا تىرىسقان. ونى جۇمىستان شىعارماي, قاتاڭ سوگىس بەرۋمەن شەكتەلۋدى ۇسىنعاندار قاراسى قالىڭ بولعان. الايدا ادەپ جونىندەگى كەڭەس ۆەتەرينارلىق باقىلاۋ جانە قاداعالاۋ كوميتەتىنىڭ ەسىل اۋداندىق اۋماقتىق ينسپەكتسياسىنىڭ باسشىسى تاڭاتار ايحوجاەۆتى قىزمەتىنەن بوساتۋدى ۇسىندى.