اگروسەكتوردىڭ جارتىسىنان كوبىن قارجىلاندىرادى

مەملەكەت قاتىساتىن ۇيىم­دار­دىڭ (ونىڭ ىشىندە كرەديتتىك سەرىك­تەستىكتەردىڭ) اۋىل شار­ۋا­شىلىعى سالاسىنداعى ۇيىم­دارىنىڭ الدىنداعى جيىنتىق نەسيە قورجىنى شامامەن 850 ملرد تەڭگەنى قۇرادى. بۇل جالپى بەرەشەك كولەمىنىڭ 65%-دان استامىن قۇرايدى. تەك بىرنەشە وڭىردە عانا ەكىنشى دەڭگەيلى بانكتەر كرەديت بەرۋ نارىعىنداعى ەلەۋلى ويىنشىلار سانالادى. الايدا ءبىرىنشى كرەديتتىك بيۋ­رونىڭ دەرەكتەرى بويىنشا, ولاردىڭ قورجىنىندا نا­رىقتىق جانە مەملەكەتتىك قارجىلاندىرۋ ۇلەسى تۋرالى بىرجاقتى اقپارات جوق. وسىلايشا, بەرەشەكتىڭ جالپى كولەمىندەگى مەملەكەتتىڭ ۇلەسى 90%-عا دەيىن قۇراۋى مۇمكىن. (تالداۋعا اۋىل شارۋاشىلىعى قىز­مەتىنە جاتاتىن نەگىزگى ەقجج بار ۇيىمداردىڭ قارىز­دا­رى ەنگىزىلدى).

قولداۋدىڭ تاعى ءبىر باعىتى – سۋبسيديالاۋ. بۇگىندە ەلىمىزدەگى اۋىل شارۋاشىلىعىندا 1 تەڭگە سۋبسيدياعا 4 تەڭگە نەسيە قاراجاتى كەلەدى. سۋبسيديالار, سونداي-اق, ءالسىز يرريگاتسيا (اسىرەسە قازاقستاننىڭ سول­تۇس­تىگىندە) جانە اۋىل شارۋا­شىلىعى تەحنيكاسىنىڭ جو­عار­عى ورتاشا جاسى, اۋىل شارۋا­شى­لىعىنىڭ باستى «تەحنيكالىق جانە تەحنولوگيالىق» پروبلەمالارىن شەشۋگە كومەك­تەسۋگە ارنالعان.

جالپى, تۇقىمعا, تىڭايت­قىش­تار مەن پەس­تي­تسيدتەرگە بەرىلەتىن سۋبسيديالاردىڭ جال­پى بولجامدى مولشەرى كەمىندە 60 ملرد تەڭگەنى قۇرايدى. بۇل Qoldau جۇيەسىندە 2021 جىلدىڭ ءبىرىنشى جارتىسىندا بەرىلگەن جانە/نەمەسە ماقۇلدانعان وتى­نىمدەر بويىنشا عانا. كاسىپ­ورىندار وسى ۋاقىت ىشىندە 305,6 ملرد تەڭگە نەسيە الدى. سو­نىمەن قاتار 84,3 ملرد تەڭگە – 2021 جىلى مال شارۋاشىلىعىن قولداۋعا ارنالعان سۋبسيديا بيۋدجەتى بولسا, ونىڭ 57,2 ملرد تەڭگەسى تامىز ايىنىڭ باسىندا تولەنگەن.

اۋىل شارۋاشىلىعى سالاسىندا قىزمەت ەتەتىن كاسى­پورىندار مەن جەكە كاسىپ­كەر­لەردى نەسيەلەندىرۋ وسۋدە. 2021 جىلعى 1 تامىزداعى جاعداي بويىنشا نەسيە پورتفەلى ءبىر جىل ىشىندە 17,4%-عا نەمەسە 194,5 ملرد تەڭگەگە ۇلعايىپ, 1,3 ترلن تەڭگەدەن استى. بەلسەندى نەسيەلەر سانى دا (جىلىنا+41,5% – 118,3 مىڭ بىرلىككە دەيىن), سونداي-اق قارىزگەرلەر سانى دا (+22,9% – 54,2 مىڭ بىرلىككە دەيىن) وسۋدە.ەسكى نەسيەلەر جابىلعانىنا قارا­عاندا, جاڭالارى ءجيى بەرى­لەدى: ورتا ەسەپپەن ءار كاسىپ­ورىننىڭ 2,18 جابىلماعان قارىزى بار (2020 جىلعى تامىزدا – 1,9). نەسيە قورجىنىنىڭ ءوسۋى ءىس جۇزىندە قوستاناي وبلىسىنان باسقا بارلىق وڭىردە بايقالادى. بىراق بۇل جەردە دە قىسقارتۋ تەك ەسكى, جۇمىس ىستەمەيتىن, ءىرى بانكتىك قارىزداردىڭ ەسەپتەن شىعارىلۋىنا بايلانىس­تى بولدى.

تولەمدەردى 90 جانە ودان دا كوپ كۇندىك مەرزىمگە كەشىك­تىرەتىن نەسيەلەردىڭ ۇلەسى ءبىر جىل ىشىندە 27,3%-دان 14,7%-عا دەيىن تومەندەدى. سوڭعى 2,5 جىل ىشىندە نەسيە قورجىنىنىڭ ساپاسى ەڭ جاقسى دەڭگەيدە. بۇل رەتتە جالپى جاعداي جاق­سارا تۇسۋدە. بانكتىك ەسەپتەن شىعارۋ جانە جالپى نەسيە قور­جىنىنىڭ ءوسۋى اياسىندا ساپا­نىڭ جاقسارۋى تەحنيكالىق جا­ع­ىنان دا بايقالادى. بىراق ونى ەسەپكە الساق تا, اۋىل شارۋا­شىلىعىنداعى مەرزىمىن وتكىزىپ الۋ ۇلەسى نارىق بويىنشا ورتاشا كورسەتكىشتەن جوعارى. نەسيەلەندىرۋ, جالپى العاندا, ايتارلىقتاي تاۋەكەلدى باعىت بولىپ قالۋدا: ءاربىر بەسىنشى قارىز بويىنشا مەرزىمىن وتكىزىپ الۋعا جول بەرىلەدى, ال جۇمىس ىستەمەيتىن نەسيەلەردىڭ ۇلەسى 14,6%-دى قۇرايدى.

ايتا كەتەلىك, #FCBAnalytics – قارجى, نەسيە بەرۋ نارىعى, سونداي-اق قازاقستاننىڭ ەكو­نو­ميكالىق جانە الەۋمەتتىك كورسەتكىشتەرىنە اسەر ەتەتىن باسقا دا قىزمەت سالالارى بو­يىن­شا ستاتيستيكالىق دەرەك­تەر­دى وڭدەۋدى جۇزەگە اسىراتىن ءبىرى­نشى كرەديتتىك بيۋرونىڭ تالداۋ ورتالىعى.