ىشكى ىستەر ءمينيسترى قازا تاپقان پوليتسەيلەردىڭ وتباسىلارىنا مەملەكەتتىك ناگرادالار تاپسىردى, دەپ حابارلايدى Egemen.kz.
ىشكى ىستەر ءمينيسترى ەرلان تۇرعىمباەۆ 2021 جىلعى 20 قىركۇيەكتە قىزمەتتىك مىندەتتەرىن اتقارۋ كەزىندە قازا تاپقان الماتى قالاسى پوليتسيا دەپارتامەنتىنىڭ ەكى قىزمەتكەرىنىڭ وتباسىلارىنا مەملەكەتتىك ناگرادالاردى تاپسىردى.
ء«بىزدىڭ ارىپتەستەرىمىز, پوليتسيا مايورى دارحان سۇلەەۆ پەن پوليتسيا كاپيتانى نۇربول بايعازيەۆ قىزمەتتىك مىندەتتەرىن ادال اتقارىپ, ارىپتەستەرىنە ۇلگى بولىپ, بولاشاققا جوسپار قۇردى. ولاردىڭ ءومىرىن قيعان قايعىلى وقيعا بارلىق قازاقستاندىقتاردى ءدۇر سىلكىندىردى», دەپ اتاپ ءوتتى ءىىم باسشىسى.
ۋچاسكەلىك پوليتسيا ينسپەكتورلارى دارحان سۇلەەۆ پەن نۇربول بايعازيەۆ قازا تاپقان سوڭ پرەزيدەنت قاسىم-جومارت توقاەۆتىڭ جارلىعىمەن ءىى دارەجەلى “ايبىن” وردەنىمەن ماراپاتتالدى.
«بۇگىن مەن مەملەكەت باسشىسىنىڭ تاپسىرماسى بويىنشا ولاردى تاپسىرۋ ءۇشىن كەلدىم», دەپ اتاپ ءوتتى مينيستر ەرلان تۇرعىمباەۆ.
ول ىشكى ىستەر ورگاندارىنىڭ قىزمەتكەرلەرى قىزمەتتىك بورىشى بويىنشا ءاردايىم قىلمىسقا قارسى كۇرەستىڭ جانە ازاماتتاردىڭ قاۋىپسىزدىگىن قامتاماسىز ەتۋدىڭ الدىڭعى قاتارىندا ەكەنىن اتاپ ءوتتى. پوليتسەيلەردىڭ كۇندەلىكتى جۇمىسى ءومىر مەن دەنساۋلىققا قاۋىپ توندىرەدى. سىن جاعدايلارىندا بىرنەشە سەكۋند ىشىندە ولار جاۋاپتى شەشىمدەر قابىلداۋعا ءماجبۇر, كەيدە ادامنىڭ ومىرىمەن بايلانىستى بولادى.