«شىعىس اقپارات» مەديا حولدينگىنىڭ قىزمەتكەرلەرى تامىزدان بەرى جارىتىپ جالاقى الا الماي وتىر.
– ءۇشىنشى ايعا كەتتى, جالاقى المادىق. قىركۇيەكتە بالالاردى وقۋعا دايىنداۋ ءۇشىن قارىزداندىق. نەسيەمىزدىڭ ءوسىمى ول, ءوسىپ بارادى. وسى ماسەلەگە قۇزىرلى ورگاندار نەگە جاۋاپ بەرمەيدى؟ ءبىز توقتاۋسىز جۇمىس ىستەپ جاتىرمىز. توقسانىنشى جىلدارعا كەتىپ قالعان سياقتىمىز. دەپۋتاتتار ءجۋرناليستىڭ مارتەبەسىن انىقتاۋىمىز كەرەك دەپ جاتسا, ءبىز مىنا جاقتا جالاقىمىزدى جارىتىپ تولەسە دەپ وتىرمىز, – دەيدى «التاينيۋس» سايتىنىڭ رەداكتورى دارىن نۇرساپاروۆ.
«شىعىس اقپارات» جۋرناليستەرىنىڭ جالاقىدان تارىلىپ وتىرعانى ءبىرىنشى جىل ەمەس. بەلگىسىز سەبەپتەرگە بايلانىستى, جىلدا قايتالاناتىن قۇبىلىس. اتالعان اقپارات ورتالىعىنىڭ قۇرامىندا عاسىرلىق تاريحى بار «ديدار» جانە «رۋدنىي التاي» گازەتتەرى بار. سونىمەن قاتار ۇلكەن باسپاحانا, «التاينيۋس» سايتى, SMM ءبولىمى بار. ايتقانداي, قاراماعىنا بىرنەشە اۋداننىڭ گازەت رەداكتسيالارى كىرەدى.
– ەۋروپانىڭ تورىندە, لوندوندا « ۇلى دالانىڭ التىنى» اتتى كورمە وتۋدە. ال جەرگىلىكتى جۋرناليستەر قايىر تىلەپ ءجۇر, – دەپ رەنىش ءبىلدىردى «ديدار» گازەتىنىڭ ءجۋرناليسى مەيرامتاي يمانعالي.