ۇكىمەت وتىرىسىندا قر يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ جىل سوڭىنا دەيىن ىسكە قوسىلاتىن جوبالاردى ايتادى, دەپ جازادى Egemen.kz.
جىل سوڭىنا دەيىن ءۇش جوبا ىسكە قوسىلادى.
ء«بىرىنشى - شىعىس قازاقستان وبلىسىنداعى اقتوعاي كەن بايىتۋ كومبيناتىن كەڭەيتۋ جونىندەگى جوبا («KAZ Minerals Aktogay» جشس). بۇل ءسۋلفيدتى كەندى قايتا وڭدەۋ قۋاتىن جىلىنا 2 ەسەگە, ياعني 50 ملن تونناعا دەيىن ۇلعايتۋعا, ال مىس ءوندىرىسىن 90%-عا ارتتىرىپ, جىلىنا 190 مىڭ تونناعا جەتكىزۋگە مۇمكىندىك بەرەدى.
ەكىنشى - شىمكەنت قالاسىندا اليۋميني بانكىلەرىن ءوندىرۋ بويىنشا قازاقستانداعى العاشقى جوبا. قازىر ءبىز جىلىنا 700 ملن اليۋميني بانكىلەرىن يمپورتتايمىز. وسى جوبانى ىسكە اسىرۋ تاماق ونەركاسىبىنىڭ ىشكى قاجەتتىلىگىن 65%-عا (جىلىنا 500 ملن.بىرلىك) قامتاماسىز ەتەدى.
ءۇشىنشى - قاراعاندى وبلىسىندا سارىارقا فەرروقورىتپا زاۋىتىن سالۋ جوباسى - «Qaz Carbon» جشس (كاز كاربون). كاسىپورىن جوعارى ساپالى فەرروقورىتپالار مەن اگلومەرات مارگانەتستەرىن الۋ ءۇشىن يننوۆاتسيالىق تەحنولوگيالاردى پايدالانادى. شىعارىلاتىن ءونىم تولىعىمەن ەكسپورتقا باعىتتالعان (اقش, جاپونيا, كورەيا, تۇركيا جانە ەۋروپا ەلدەرى)», دەدى اتامقۇلوۆ.