قازان ايىندا قازاقستاندىقتاردى 10 دەمالىس كۇنى كۇتىپ تۇر, دەپ حابارلايدى Egemen.kz.
بەسكۇندىك جۇمىس اپتاسىندا قازاقستاندىقتار 10 كۇن دەمالىپ, 21 كۇن جۇمىس ىستەيدى. ال اپتاسىنا التى كۇن جۇمىس ىستەيتىندەردى 5 دەمالىس پەن 26 جۇمىس كۇنى كۇتىپ تۇر.
2021 جىلدىڭ ونىنشى ايىندا مەملەكەتتىك نە ۇلتتىق مەرەكە جوق. بىراق دەمالىس بەرىلمەيتىن بىرقاتار مەرەكە بار: 1 قازان - قارتتار كۇنى مەن راديو كۇنى; قازاننىڭ ءبىرىنشى جەكسەنبىسى - مۇعالىمدەر كۇنى; 6 قازان - قورعانىس ونەركاسىبى قىزمەتكەرلەرىنىڭ كۇنى; 10 قازان - قازاقستان كاسىپوداق كۇنى; 16 قازان - نان كۇنى; 19 قازان - قۇتقارۋشىلار كۇنى; قازاننىڭ ءۇشىنشى جەكسەنبىسى - ورمان شارۋاشىلىعى قىزمەتكەرلەرى كۇنى; 29 قازان - كۇزەت ۇيىمدارى قىزمەتكەرلەرى كۇنى; قازاننىڭ سوڭعى جەكسەنبىسى - الەۋمەتتىك قورعاۋ جۇيەسى قىزمەتكەرلەرىنىڭ كۇنى.