الداعى كۇندەرى اۋا رايىنىڭ قانداي بولاتىنى ايتىلدى

قازاقستان اۋماعىنىڭ باسىم بولىگى تسيكلون ىقپالىندا بولادى. ونىڭ اتموسفەرالىق فرونتتارى سولتۇستىكتە, سولتۇستىك-باتىستا, ورتالىق پەن شىعىستا جاۋىن-شاشىن (جاڭبىر, قار), وڭتۇستىكتە, وڭتۇستىك-شىعىستا نايزاعايمەن جاڭبىر جاۋىنا ىقپال ەتەدى. ەلىمىزدىڭ باتىسىندا, سولتۇستىگىندە, ورتالىعىندا جانە شىعىسىندا تۇمان ءتۇسىپ, جەل كۇشەيەدى, سولتۇستىك جارتىسىندا كوكتايعاق كۇتىلەدى.

«باتىستا اۋا تەمپەراتۋراسى تۇندە 0-15 گرادۋس جىلى, 3 گرادۋس اياز, كۇندىز 7-22 جىلى, سولتۇستىك-باتىستا تۇندە 0-10 جىلىدان 6 گرادۋس اياز - 5 گرادۋس جىلىعا دەيىن, كۇندىز 0-13 جىلى, سولتۇستىكتە تۇندە 3 گرادۋس اياز - 6 گرادۋس جىلى, كۇندىز 5-11 جىلىدان 2-8 گرادۋس ارالىعىندا, ورتالىقتا 3-11 جىلۋدان 3 گرادۋس اياز - 8 گرادۋس جىلىعا دەيىن تومەندەيدى, كۇندىز 7-18 گاردۋستان 2-10 گرادۋسقا دەيىن جىلى بولادى دەپ بولجانادى. شىعىستا تۇندە 3 گرادۋس اياز - 10 گرادۋس جىلى, كۇندىز 10-20 گرادۋس جىلى, وڭتۇستىك جانە وڭتۇستىك-شىعىستا نەگىزگى فون تۇندە 7-18 گرادۋستان, كۇندىز 12-27 گرادۋسقا دەيىن جىلىنادى», دەلىنگەن حابارلامادا.