قازاقستاندىق اسكەري دارىگەرلەر امەريكالىق ارىپتەستەرىمەن مەديتسينالىق لوگيستيكا سالاسىندا تاجىريبە الماستى, دەپ حابارلايدى Egemen.kz قر قورعانىس مينيسترلىگىنىڭ ءباسپاسوز قىزمەتىنە سىلتەمە جاساپ.
اقش-تىڭ قاۋىپسىزدىك سالاسىنداعى اسكەري ىنتىماقتاستىق كەڭسەسى ۇيىمداستىرعان ءىس-شارا الماتى قالاسىندا, قازاقستان رەسپۋبليكاسى قورعانىس مينيسترلىگىنىڭ اسكەري مەديتسينا ورتالىعىندا ءوتتى.
ءىس-شاراعا قازاقستان قارۋلى كۇشتەرى باس اسكەري-مەديتسينالىق باسقارماسىنىڭ جانە قورعانىس مينيسترلىگىنىڭ اسكەري كلينيكالىق گوسپيتالىنىڭ وكىلدەرى قاتىستى.
امەريكالىق ساراپشىلار مەديتسينالىق لوگيستيكا سالاسىنداعى تاجىريبەلەرىمەن, تاكتيكالىق تاسىلدەر جۇيەسىمەن, ادىستەر مەن ءىس-قيمىلدارمەن ءبولىستى. اسكەرلەردىڭ قىزمەتىن مەديتسينالىق قامتاماسىز ەتۋدە بۇۇ ستاندارتتارىن قولدانۋعا ەرەكشە نازار اۋدارىلدى.