اقش پرەزيدەنتى دجو بايدەن كورنەل ۋنيۆەرسيتەتىنىڭ بانك قۇقىعىنىڭ پروفەسسورى, قازاقستاننىڭ تۋماسى ساۋلە وماروۆانى اقش-تاعى بانك سەكتورىنىڭ نەگىزگى رەتتەۋشىسى, اقشا اينالىمىن باقىلاۋ باسقارماسىنىڭ باسشىسى (Office of the Comptroller of the Currency, OCC) لاۋازىمىنا تاعايىنداۋعا نيەتتى, دەپ حابارلايدى Egemen.kz.
بۇل تۋرالى Bloomberg جانە The Wall Street Journal اگەنتتىكتەرى مالىمدەدى.
باسىلىم مالىمەتى بويىنشا, وماروۆانىڭ كانديداتۋراسى رەسمي تۇردە وسى اپتادا ۇسىنىلۋى مۇمكىن. بۇل لاۋازىمعا بەكىتىلگەن جاعدايدا, قازاقستاننىڭ تۋماسى 1863 جىلى قۇرىلعان رەتتەۋشىنى باسقاراتىن العاشقى ايەل بولادى.
بايدەننىڭ تاڭداۋىن پروگرەسسيۆتى دەموكراتيالىق زاڭ شىعارۋشىلار ماقۇلدايدى دەپ كۇتىلىپ وتىر, بىراق ول رەسپۋبليكاشىلاردان قولداۋ الا الماۋى مۇمكىن. سونداي-اق, وماروۆا كريپتوۆاليۋتالاردى سىنعا الۋىمەن تانىمال.تامىزدا امەريكالىق باق, اق ءۇي اكىمشىلىگى ساۋلە وماروۆانىڭ كانديداتۋراسىن زەرتتەپ جاتقانىن حابارلادى.
OCC - اقش قارجى مينيسترلىگىنىڭ تاۋەلسىز بولىمشەسى. رەتتەۋشى 1200 تريلليون دوللارلىق جيىنتىق اكتيۆتەرى بار 14 بانكتى باقىلايدى, بۇل ەلدىڭ بانك جۇيەسىنىڭ بارلىق اكتيۆتەرىنىڭ ۇشتەن ەكىسىن قۇرايدى.
وسىلايشا, OCس فەدەرالدى رەزەرۆتىك جۇيەمەن (فرج) جانە فەدەرالدى دەپوزيتتەردى ساقتاندىرۋ كورپوراتسياسىمەن (Federal Deposit Insurance Corporation, FDIC) قاتار ەڭ ىقپالدى امەريكالىق قارجىلىق رەتتەۋشىلەردىڭ ءبىرى.
ساۋلە وماروۆا كورنەل ۋنيۆەرسيتەتىنىڭ بانكتىك قۇقىق پروفەسسورى, ممۋ (1989), ۆيسكونسين ۋنيۆەرسيتەتىنىڭ (1999) جانە سولتۇستىك-باتىس ۋنيۆەرسيتەتىنىڭ (2001) تۇلەگى, زاڭ عىلىمدارىنىڭ دوكتورى. قازاق, ورىس جانە اعىلشىن تىلدەرىن مەڭگەرگەن.