اۆتوۆاز رەسەيدەن تىس تاعى ءبىر ەلدە «Lada» كولىكتەرى قۇراستىرىلاتىنىن رەسمي مالىمدەدى. ەندى وزبەكستاننىڭ «جيزاق» ەركىن ەكونوميكالىق ايماعىندا ورنالاسقان «دجيزاك-ADM» زاۋىتىندا برەندتىڭ بىرنەشە مودەلى ءىرى توراپتى ادىسپەن شىعارىلادى, دەپ حابارلايدى Egemen.kz.
كاسىپورىن اتالعان ەلدىڭ ىشكى نارىعى ءۇشىن جۇمىس ىستەپ, ديلەرلىك ورتالىقتارعا Lada Vesta (SW جانە SW Cross), Largus جانە Largus Cross, XRAY Cross حەتچبەگىن جەتكىزەدى.
زاۋىتقا يەلىك ەتەتىن Roodell كومپانياسى حابارلاعانداي, ماركانى مۇندا قۇراستىرۋ تۇتىنۋشىلار ءۇشىن كولىك باعاسىن ارزانداتادى, ءارى وزبەكستاننىڭ مەملەكەتتىك ساتىپ الۋ باعدارلامالارىنا قاتىسىپ, ساتىلىم مولشەرىن ارتتىرۋعا مۇمكىندىك بەرەدى.
وزبەكستاندا Lada-نىڭ 18 ديلەرلىك ورتالىعى جۇمىس ىستەيدى. 2020 جىلى ەلدە اتالعان كولىك ماركاسىنىڭ 5000 دانا ماشيناسى ساتىلدى.