دەپۋتاتتار كرەديت مولشەرلەمەسىن تومەندەتۋدى تالاپ ەتتى

بۇل تۋرالى LS باسىلىمى ءمالىم ەتتى.

ماجىلىسمەن اندرەي ليننيك م ۇلىكتىك داۋ-دامايعا بايلانىستى بەس ادام قازا تاپقان الماتىداعى قايعىلى وقيعانى ەسكە سالدى.

«وسىعان بايلانىستى قارجى نارىعىن رەتتەۋ جانە دامىتۋ اگەنتتىگىنەن قارىز الۋشىلاردىڭ زاڭدى قۇقىقتارىنا قىسىم جاساۋىنا جول بەرمەي, بانكتەردىڭ م ۇلىكتى باعالاۋىن تومەندەتۋ ماسەلەلەرىن شۇعىل پىسىقتاۋدى تالاپ ەتەمىز. سونداي-اق كەپىلگە سالىنعان م ۇلىكتى وتكىزۋ كەزىندە بانكتەردىڭ لاۋازىمدى ادامدارىنىڭ جانە سوت ورىنداۋشىلارىنىڭ ءسوز بايلاسۋى ءۇشىن كەز كەلگەن مۇمكىندىكتەردى بولعىزباۋ كەرەك. بولاشاقتا وسىنداي قايعىلى جاعداي قايتالامايتىنداي «جەكە تۇلعالاردىڭ بانكروتتىعى تۋرالى» زاڭ جوباسىن جەدەل ازىرلەۋ قاجەت», دەدى ول.

دەپۋتات بۇل درامانىڭ بىرقاتار ءمان-جايلارى تەك پوليتسيا تاراپىنان عانا ەمەس, قارجىلىق رەتتەۋشىلەر تاراپىنان دا جەكە زەردەلەۋدى تالاپ ەتەتىنىن اتاپ ءوتتى.

«قايعىلى وقيعانىڭ سەبەبى جالعىز تۇرعىن ءۇيى ءۇشىن بورىشكەردىڭ بانكپەن داۋ-دامايى بولعاندىعى بەلگىلى. اشىق كوزدەردەن الىنعان اقپارات بويىنشا, 121 ملن تەڭگە قارىز بولعان كەزدە بانك باعالاۋ قۇنى 184 ملن تەڭگە بولاتىن جەر ۋچاسكەسى بار تۇرعىن ەمەس ءۇي-جايدى الىپ قويىپ, ونى 96 ملن تەڭگەگە نەمەسە ەكى ەسە از دەپ باعالاعان. ال وسى م ۇلىككە قوسىمشا بانك بورىشكەردىڭ تۇرعىن ءۇيىن دە الۋعا شەشىم قابىلعان», دەپ اتاپ ءوتتى دەپۋتات.

بۇل جاعداي تاعى دا حالىقتىڭ ۇلتتىق بانكتىڭ جوعارى بازالىق مولشەرلەمەسىمەن تۋىنداعان وراسان زور كرەديتتەلۋىنە نازار اۋدارادى. سونداي-اق وسىنداي داۋلار بويىنشا سوت شەشىمدەرىنىڭ ادىلەتسىزدىگى جانە سوت ورىنداۋشىلارى مەن بانك قىزمەتكەرلەرىنىڭ ىقتيمال ءسوز بايلاسۋى بولۋى مۇمكىن.

ء«بىز «جەكە تۇلعالاردىڭ بانكروتتىعى تۋرالى» زاڭدى ازىرلەۋدى بىرنەشە رەت ۇسىندىق, وندا بانكروتقا ۇشىراعان ازاماتتاردىڭ ومىرلىك قۇقىقتارىنا كەپىلدىك بەرىلۋى قاجەت. بىراق ونى ۇكىمەت بۇعاتتادى», دەدى ماجىلىسمەن.

ول بورىشكەردىڭ كەپىل مۇلكىن الىپ قويۋ كەزىندە باعالاۋ قۇنىنان اۋىتقۋ 10-15%-دان اسپاۋى ءتيىس دەپ ەسەپتەيدى, ويتكەنى رەسىمدەۋ كەزىندە قۇن باستاپقىدا نەسيە سوماسىنا 30-40%-عا تومەندەتىلەدى.

«وسىعان بايلانىستى قارجى نارىعىن رەتتەۋ اگەنتتىگىنە بانكتەردىڭ ارەكەتتەرىنەن قورعانسىز بولىپ تابىلاتىن بورىشكەرلەردىڭ الىپ قويىلاتىن مۇلكىنىڭ قۇنىن تومەندەتۋ بويىنشا بانكتەردىڭ مۇمكىندىكتەرىن شەكتەۋ قاجەت دەپ سانايمىز. سونداي-اق نەسيە سوماسىن جاساندى كوبەيتۋدى توقتاتۋ ءۇشىن, نەسيەلەر بويىنشا مولشەرلەمەنى تومەندەتۋ كەرەك. ول ءۇشىن ۇلتتىق بانكتىڭ بازالىق مولشەرلەمەگە قاتىستى ساياساتىن قايتا قاراۋ قاجەت, ول بۇگىندە ينفلياتسيانى تەجەمەيدى, الايدا جوعارى پايىزدارعا اكەلۋدە», دەپ تۇيىندەدى ليننيك.

بۇعان دەيىن بانك تسەنتركرەديت الماتىدا بەس ادامعا وق جاۋدىرعان ازاماتتىڭ تۇرعىن ءۇي جاعدايىنا قاتىستى تۇسىنىكتەمە بەرگەن بولاتىن.

ەستەرىڭىزگە سالا كەتەيىك, قازاقستاندا جەكە تۇلعالار ءۇشىن بانكروتتىقتى ەنگىزۋدى كوزدەيتىن «قازاقستاندىقتاردىڭ تولەم قابىلەتتىلىگىن قالپىنا كەلتىرۋ تۋرالى» زاڭ جوباسى بويىنشا جۇمىس قايتا باستالعان جوق.

كەيىنىرەك, 2019 جىلدىڭ سوڭىندا ماجىلىسمەندەر بۇل زاڭ جوباسىنا قايتا ورالۋدى تالاپ ەتكەن بولاتىن.