تۇركىستان وبلىسىندا جانتۇرشىگەرلىك جول اپاتى بويىنشا سوتقا دەيىنگى تەرگەۋ امالدارى جۇرگىزىلۋدە, دەپ حابارلايدى Egemen.kz Polisia.kz-كە سىلتەمە جاساپ.
ساۋران اپب-نە جۇك كولىكتەرىنىڭ قاتىسۋىمەن بولعان جول-كولىك وقيعاسى تۋرالى حابارلاما كەلىپ ءتۇستى.
دەرەك قر قك 345-بابى 4-بولىگى «كولىك قۇرالدارىن باسقاراتىن ادامداردىڭ جول قوزعالىسى نەمەسە كولىك قۇرالدارىن پايدالانۋ قاعيدالارىن بۇزۋى» بويىنشا سدتبت-دە تىركەلدى. پوليتسەيلەر وقيعا ورنىنا كەلىپ, قاجەتتى ءىس-شارالار كەشەنىن وتكىزدى.
شىمكەنت-سامارا تاس جولىنىڭ 135 شاقىرىمىندا شىمكەنتتەن تۇركىستانعا قاراي بارا جاتقان DAF 460 جۇك كولىگىنىڭ جۇرگىزۋشىسى DAF 105 جۇك كولىگىمەن سوقتىعىسقانى انىقتالدى. جول-كولىك وقيعاسى سالدارىنان ءۇش ادام العان جاراقاتتارىنان وقيعا ورنىندا كوز جۇمدى.
فاكتى بويىنشا سوتقا دەيىنگى تەرگەۋ امالدارى جۇرگىزىلۋدە. DAF 460 اۆتوكولىگىنىڭ جۇرگىزۋشىسى قاماۋعا الىندى. ءتيىستى ساراپتامالار تاعايىندالدى. قازىرگى ۋاقىتتا ءتارتىپ ساقشىلارى وقيعانىڭ بارلىق ءمان-جايىن انىقتاپ جاتىر.