مەملەكەت باسشىسى قاسىم-جومارت توقاەۆ بەلگىلى جازۋشى, قازاقستاننىڭ ەڭبەك سىڭىرگەن قايراتكەرى رافاەل نيازبەكتىڭ وتباسى مەن جاقىن تۋىستارىنا كوڭىل ايتتى. بۇل تۋرالى قر پرەزيدەنتىنىڭ ءباسپاسوز حاتشىسى بەرىك ءۋالي Facebook-تەگى پاراقشاسىندا جازدى, دەپ حابارلايدى Egemen.kz.
«كورنەكتى قالامگەر, قازاقستاننىڭ ەڭبەك سىڭىرگەن قايراتكەرى رافاەل نيازبەكتىڭ دۇنيەدەن وتۋىنە بايلانىستى كوڭىل ايتامىن. رافاەل نيازبەك ۇزاق جىلدار «جازۋشى» باسپاسىندا جەمىستى جۇمىس جاسادى. ەلىمىزدىڭ رۋحاني-مادەني بايلىعىن ارتتىرۋعا كوپ ۇلەس قوستى. شىعارماشىلىق جولداعى تابىستارى دا وتە مول. تارتىمدى تۋىندىلارى وقىرماندار تاراپىنان جوعارى باعاسىن الدى, ادەبي سىيلىقتارعا يە بولدى. مارقۇمنىڭ يمانى سالامات, جانى ءجانناتتا بولسىن», دەلىنگەن كوڭىل ايتۋ جەدەلحاتتا.