يۋنەسكو-نىڭ باس ديرەكتورى ودرە ازۋلە تالىپتەردىڭ مەكتەپتى تەك ۇل بالالار مەن ەر مۇعالىمدەر ءۇشىن عانا اشاتىنى تۋرالى حابارلاماسىنا الاڭداۋشىلىق ءبىلدىردى, دەپ حابارلايدى Egemen.kz بۇۇ جاڭالىقتار ورتالىعى سايتىنا سىلتەمە جاساپ.
«اۋعانستاننىڭ بولاشاعى اۋعان قىزدارى مەن ۇلدارىنىڭ ءبىلىم الۋ مۇمكىندىكتەرىنە تىكەلەي بايلانىستى. ءبىز اۋعانستاننىڭ بارلىق ءتيىستى وكىلدەرى مەن ورگاندارىنا مەكتەپتەردى اشۋ كەزەڭىندە بالالاردىڭ بارىنە ەش كەدەرگىسىز ءبىلىم الۋعا مۇمكىندىك بەرۋگە شاقىرامىز. يۋنەسكو باسشىسىنىڭ ايتۋىنشا, مەكتەپتەرگە ايەل مۇعالىمدەردى قايتارۋ دا وتە ماڭىزدى», دەيدى ودرە ازۋلە.
ەلدەگى بيلىكتى باسىپ العان «تاليبان» قوزعالىسىنىڭ جەتەكشىلەرى بۇۇ وكىلدەرىنە قىزدار مەن ايەلدەردىڭ ءبىلىم الۋىنا ەش كەدەرگى كەلتىرمەيتىنى تۋرالى بىرنەشە رەت ۋادە بەرگەن. الايدا سوڭعى كۇندەرى ولار مەكتەپتەردىڭ تەك ۇل بالالارعا عانا اشىلاتىنىن مالىمدەدى. قىزداردىڭ مەكتەپكە قاشان باراتىنا تۋرالى ەشتەڭە ايتىلماعان.
يۋنەسكو وكىلىنىڭ ايتۋىنشا, ەگەر قىزدار دەر كەزىندە وقۋعا بارماسا, ونىڭ سالدارى اۋىر بولۋى مۇمكىن. سونىمەن قاتار ول اۋعان بالالارىنىڭ قۇقىعىن قورعايتىنىن, ولاردىڭ ءبىلىم الۋ قۇقىعى ۇجىمدىق جاۋاپكەرشىلىك ەكەنىن مالىمدەدى.