سالىق تولەۋدى كەشىكتىرگەن ايماقتار اتالدى

سالىق ءتارتىبىن ساقتايتىن سقو, بقو جانە تۇركىستان وبلىسىنىڭ سالىق تولەۋشىلەرىن اتاپ وتكىمىز كەلەدى. سقو-دا وسىماقى بويىنشا بەرەشەك 900 ملن تەڭگە (ۇلەس سالماعىندا 0,6%), تۇركىستان وبلىسىندا 900 ملن تەڭگە (0,6%), بقو-دا 1,5 ملرد تەڭگە (1,0%).

2021 جىلعى 1 قىركۇيەكتەگى جاعدايمەن جالپى رەسپۋبليكا بويىنشا وسىمپۇلعا بەرەشەك 149,6 ملرد تەڭگەنى قۇرادى. جىلدىڭ باسىمەن سالىستىرعاندا ءوسىمپۇل ءوسىپ, 33,3 ملرد تەڭگەگە نەمەسە 28,6%-عا ۇلعايدى.

ەڭ ۇلكەن ءوسىم كەلەسى ايماقتاردا بايقالادى:

- قوستاناي وبلىسى-2,3 ملرد تەڭگەگە نەمەسە 304,8%;

- اتىراۋ وبلىسى-3,1 ملرد تەڭگەگە نەمەسە 106,7%;

- الماتى قالاسى-22,3 ملرد تەڭگەگە نەمەسە 92,3%.

بۇل رەتتە كەلەسى وڭىرلەردە تومەندەۋ بايقالادى:

- ماڭعىستاۋ وبلىسى-9,4 ملرد تەڭگەگە نەمەسە 75,3%;

- اقمولا وبلىسى-1,6 ملرد تەڭگەگە نەمەسە 36,8%;

- جامبىل وبلىسى-200 ملن تەڭگەگە نەمەسە 16,7%; 

ءوسىمپۇل ءوسۋىنىڭ نەگىزگى سەبەبى سالىق تولەۋشى مىندەتتەمەسىن ۋاقىتىلى ورىنداماۋى بولىپ تابىلادى.

ءوسىمنىڭ وسۋىنە بايلانىستى وبەكتيۆتى سەبەپتەر رەتى كەلەسىدەي:

- مەملەكەت باسشىسىنىڭ تاپسىرماسى بويىنشا شاعىن جانە ورتا كاسىپكەرلىك سۋبەكتىلەرىنىڭ سالىق بەرەشەگىن ءوندىرىپ الۋ شارالارىن 2021 جىلعى 1 شىلدەگە دەيىن توقتاتا تۇرۋى (8 612 سالىق تولەۋشى بويىنشا 13,2 ملرد تەڭگە سوماسىنا);

 2021 جىلدىڭ 1 شىلدەسىنە دەيىن بانكروتتىق راسىمدەرىن باستاۋعا موراتوري جاريالانۋى اسەر ەتۋى مۇمكىن.