الماتى قالاسىنىڭ سىبايلاس جەمقورلىققا قارسى قىزمەتى قالاداعى تۇركسىب اۋدانى اكىمدىگىنىڭ اباتتاندىرۋ ءبولىمىنىڭ باسشىسى كونستانتين ۆوروپاەۆتى ۇستادى, دەپ حابارلايدى Egemen.kz.
10 قىركۇيەكتە جەلىدە الماتى قالاسى تۇركسىب اۋدانى اكىمدىگىنىڭ اباتتاندىرۋ ءبولىمىنىڭ باسشىسى كونستانتين ۆوروپاەۆتىڭ ۇستالعانى تۋرالى اقپارات تاراعان بولاتىن.
سىبايلاس جەمقورلىققا قارسى قىزمەت بۇل اقپاراتتى ەندى راستادى.
ۆەدومستۆونىڭ مالىمەتىنشە, شەنەۋنىك 7 قىركۇيەكتە ۇستالعان. ول «ساڭىراۋلاردىڭ قازاق قوعامى» ديرەكتورى ل.داۋىلباەۆادان مەملەكەتتىك ساتىپ الۋ شارتى بويىنشا ورىندالعان جالعان جۇمىستارعا قول قويعانى ءۇشىن 3,7 ميلليون تەڭگە كولەمىندە پارا الدى دەگەن كۇدىككە ىلىنگەن.
ۆوروپاەۆ ەكى ايعا قاماۋعا الىندى.