بۇگىن, قازاقستاننىڭ باسىم بولىگىندە اۋا رايىنىڭ قۇبىلمالى سيپاتى ساقتالىپ قالادى, كەي جەرلەردە قار جاۋىپ, سوڭى بۇرقاسىنعا ۇلاساتىن جەل كۇشەيەدى, جەكەلەگەن اۋدانداردا تۇمان ءتۇسىپ, تايعاق بولادى. بۇل تۋرالى Ras.kz حابارلادى.
باتىس جانە قيىر شىعىس وڭىرلەردە عانا جاۋىن-شاشىنسىز اياز تۇرادى دەپ كۇتىلۋدە. جالپى, اۋا رايىن باقىلايتىن قىزمەتتىڭ دەرەگىنە جۇگىنسەك, قوستاناي, قاراعاندى, شىعىس قازاقستان, اقمولا وبلىستارىنىڭ كەي جەرلەرىندە سەكۋندىنا 15-20 مەترلىك جىلدامدىقپەن جەل سوعادى. الماتى وبلىسىنىڭ كەي جەرلەرىندە تۇمان ءتۇسىپ, تايعاق بولادى. جالاڭاشكول اۋدانىندا جەلدىڭ ەكپىنى سەكۋندىنا 15-20مەترگە جەتەدى دەپ كۇتىلۋدە. جامبىل وبلىسىنىڭ كەي جەرلەرىندە تۇمان ءتۇسىپ, تايعاق بولسا, جەلدىڭ كۇشەيۋى سەكۋندىنا 15-20 مەترگە دەيىن جەتەدى دەپ بولجانادى. وڭتۇستىك قازاقستان وبلىسىنىڭ كەي جەرلەرىندە تۇمان ءتۇسىپ, تايعاق بولىپ, بۇرقاسىن سوعادى. جەلدىڭ سوعۋى سەكۋندىنا 15-20 مەترگە جەتپەك. سونداي-اق ونىڭ تاڭەرتەڭگى جانە كۇندىزگى ەكپىنى 23 مەترگە بارۋى مۇمكىن.
قىزىلوردا, ماڭعىستاۋ وبلىستارىنىڭ كەي جەرلەرىندە بۇرقاسىن مەن تايعاق بولسا, جەلدىڭ ەكپىنى 15-20 مەترگە تەڭەسەدى. ال اتىراۋ وبلىسىنىڭ كەي جەرلەرىندە جەلدىڭ كۇشەيۋى 15-20 مەترگە جەتپەك. سونىمەن قاتار اقتوبە وبلىسىندا كۇشتى اياز بولادى دەپ كۇتىلۋدە. سولتۇستىك قازاقستان, اتىراۋ وبلىستارىنىڭ كەي جەرلەرىندە كۇشتى اياز تۇرادى. ماڭعىستاۋ وبلىسىنىڭ كەي اۋداندارىندا دا وسىنداي كۇشتى اياز بولاتىندىعى ايتىلدى.
ءابدىراحمان قىدىربەك.
دەرەككوز: Ras.kz.
فوتو: Ras.kz.