امماندا (يوردانيا) ايەلدەر اراسىندا گاندبولدان ازيا بىرىنشىلىگى جالعاسۋدا, دەپ حابارلايدى Egemen.kz.
ۇلتتىق وليمپيادا كوميتەتىنىڭ ءباسپاسوز قىزمەتى حابارلاعانداي, ەكىنشى ويىن كۇنىن قازاقستان قۇراماسى قايتا اشتى.
قازاقستاندىق گاندبولشىلار گونكونگ سپورتشىلارىن 31:29 ەسەبىمەن تالقاندادى.
ال, 15 قىركۇيەكتە وتكەن ءبىرىنشى تۋردا قازاقستاندىقتار سينگاپۋردى 33:18 ەسەبىمەن جەڭگەن.
دەمالىس كۇنىنەن كەيىن قازاقستاندىق كوماندا وزبەكستاندىق كوماندامەن ويىن وتكىزبەك. قازاقستاندىق كوماندانىڭ تاعدىرى وسى كەزدەسۋدىڭ ناتيجەسىنە بايلانىستى, جەڭىسكە جەتكەن جاعدايدا ءبىزدىڭ گاندبولشىلارىمىز ازيا چەمپيوناتىنىڭ جارتىلاي فينالىنا جولداما الادى.
توپتاعى كوشباسشىلىق ءۇشىن سوڭعى جانە نەگىزگى ويىن وڭتۇستىك كورەيامەن بولۋى مۇمكىن. بۇل ماتچ 19 قىركۇيەككە بەلگىلەنگەن.