دۋشانبە قالاسىندا ۇقشۇ ۇجىمدىق قاۋىپسىزدىك كەڭەسىنىڭ سەسسياسى باستالدى, دەپ حابارلايدى Egemen.kz قر پرەزيدەنتىنىڭ ءباسپاسوز حاتشىسى بەرىك ۋاليگە سىلتەمە جاساپ.
بەرىك ءۋالي Facebook-تەگى پاراقشاسىندا شارانىڭ باستالۋ راسىمىنەن ۆيدەو جاريالادى.
ەسكە سالا كەتسەك, 15 قىركۇيەكتە قر پرەزيدەنتى قاسىم-جومارت توقاەۆ دۋشانبەگە باردى. پرەزيدەنت 16-17 قىركۇيەك كۇندەرى وتەتىن ۇقشۇ ۇجىمدىق قاۋىپسىزدىك كەڭەسىنىڭ سەسسياسىنا جانە شانحاي ىنتىماقتاستىق ۇيىمىنا مۇشە مەملەكەت باسشىلارى كەڭەسىنىڭ وتىرىسىنا قاتىسادى.
پرەزيدەنت دۋشانبە قالاسىندا وتەتىن ۇقشۇ ۇجىمدىق قاۋىپسىزدىك كەڭەسىنىڭ سەسسياسى مەن شانحاي ىنتىماقتاستىق ۇيىمىنا مۇشە مەملەكەتتەر باسشىلارى كەڭەسىنىڭ وتىرىسىندا وزەكتى جاھاندىق ماسەلەلەردى تالقىلاۋ اسا ماڭىزدى ەكەنىن ايتتى.