فرانتسيا پرەزيدەنتى ەممانۋەل ماكرون فرانتسۋز قارۋلى كۇشتەرى دايش («يسلام مەملەكەتى» - قازاقستاندا تىيىم سالىنعان لاڭكەستىك ۇيىم) قۇرىلىمىنا كىرەتىن «ۇلكەن ساحاراداعى يسلام مەملەكەتى» جەتەكشىسىنىڭ كوزىن جويعانىن ءمالىم ەتتى, دەپ حابارلايدى Egemen.kz.
ماكرون «ۇلكەن ساحاراداعى يسلام مەملەكەتى» توبى باسشىسىنىڭ كوزى جويىلعانىن Twitter-دەگى پاراقشاسىندا جازدى.
«فرانتسۋز اسكەرلەرى «ۇلكەن ساحاراداعى يسلام مەملەكەتى» لاڭكەستىك ۇيىمىنىڭ باسشىسى ادنان ابۋ ۆاليد ءال-ءساحراۋيدىڭ كوزىن جويدى. بۇل - ساحەلدەگى تەرروريستىك توپتارعا قارسى كۇرەسىمىزدە بولعان تاعى ءبىر ۇلكەن جەتىستىك», دەپ جازدى فرانتسيا پرەزيدەنتى.