ۆاكتسينا جەتپەي جاتقاندا ەگۋ پاسپورتىن ساياحاتتاۋدىڭ شارتى رەتىندە تالاپ ەتۋ كەمسىتۋشىلىك بولادى, بىراق ۋاقىت وتە كەلە ەنگىزىلۋى مۇمكىن. بۇل تۋرالى دۇنيەجۇزىلىك دەنساۋلىق ساقتاۋ ۇيىمىنىڭ باس ديرەكتورى تەدروس ادحانوم گەبرەيۋس جەنەۆادا وتكەن ءباسپاسوز ءماسليحاتىندا مالىمدەدى, دەپ حابارلايدى Egemen.kz.
ء«بىز ۆاكتسينالاردىڭ تەڭ بولىنبەۋىنە بايلانىستى ەگۋ پاسپورتتارىن ساياحات شارتى رەتىندە پايدالانعىمىز كەلمەيدى. بۇل ادامداردى الالاۋ قۇرالى بولار ەدى جانە كومەكتەسپەس ەدى», دەدى ول.
ونىڭ ايتۋىنشا, بولاشاقتا ۆاكتسينالار بۇكىل الەمگە قولجەتىمدى بولعان كەزدە ەگۋ پاسپورتى ەنگىزىلۋى مۇمكىن. ددسۇ قازىردىڭ وزىندە مەملەكەتتەرمەن وسىنداي قۇجاتتىڭ بىرىڭعاي نۇسقاسىن شىعارۋ ءۇشىن جۇمىس ىستەپ جاتىر.