قازاقستان رەسپۋبليكاسىنداعى ادام قۇقىقتارى جونىندەگى ۋاكىل (ومبۋدسمەن) اسقار شاكىروۆ ەۋروپالىق وداقتىڭ استاناداعى ەلشىسى اۋرەليا بۋشەزبەن جانە ورتالىق ازياداعى حالىقارالىق تۇرمە رەفورماسىنىڭ (PRI) وڭىرلىك ديرەكتورى ساۋلە مەكتەپباەۆامەن كەزدەستى.
قازاقستان رەسپۋبليكاسىنداعى ادام قۇقىقتارى جونىندەگى ۋاكىل (ومبۋدسمەن) اسقار شاكىروۆ ەۋروپالىق وداقتىڭ استاناداعى ەلشىسى اۋرەليا بۋشەزبەن جانە ورتالىق ازياداعى حالىقارالىق تۇرمە رەفورماسىنىڭ (PRI) وڭىرلىك ديرەكتورى ساۋلە مەكتەپباەۆامەن كەزدەستى.
كەزدەسۋ بارىسىندا الەۋمەتتىك ساياساتتىڭ جاڭا قاعيداتتارىن يمپلەمەنتتەۋ, الەۋمەتتىك قۇقىقتاردى جانە مەملەكەتتىك قىزمەتتەر الۋ سالاسىندا حالىقتىڭ وسال توپتارىنىڭ قۇقىقتارىن قورعاۋ بولىگىندە «قازاقستان-2050» ستراتەگياسىن ىسكە اسىرۋ كەزىندە ەكى جاقتى ءوزارا ارەكەتتەسۋدىڭ پەرسپەكتيۆالارى تالقىلاندى.
تاراپتار ادام قۇقىقتارىن قورعاۋ جۇيەسىن جەتىلدىرۋ, قازاقستاندا ومبۋدسمەن مەكەمەسىن ءارى قاراي ينستيتۋتتىق دامىتۋ, ەلباسىنىڭ تاپسىرماسى بويىنشا ءوتكىزىلىپ جاتقان قىلمىستىق-قۇقىقتىق رەفورما, سونداي-اق, قايتا قۇرىلعان ازاپتاۋدىڭ الدىن الۋدىڭ ۇلتتىق الدىن الۋ تەتىگىن (ۇات) ىسكە اسىرۋ ماسەلەلەرىنە توقتالدى.
قازاقستاندىق ومبۋدسمەن اتاپ وتكەندەي, ازاماتتاردىڭ مەملەكەتتىك قىزمەتتەرگە قولجەتىمدىلىگىنە دەگەن قۇقىقتارىن قامتاماسىز ەتۋ, حالىقتىڭ وسال توپتارىن قورعاۋ جانە جالپى الەۋمەتتىك ماسەلەلەر ۇلتتىق قۇقىق قورعاۋ مەكەمەسى ءۇشىن باستى ماسەلەلەر بولىپ تابىلادى, بۇل رەتتە باسىمدىق الدىن الۋ شارالارىنا بەرىلەدى.
– سونداي-اق, جابىق مەكەمەلەردەگى ازاپتاۋدى الدىن الۋعا زور ماڭىز بەرىلۋدە. مونيتورينگتىك قىزمەت شەڭبەرىندە مەملەكەتتىك ورگاندار مەن ازاماتتىق قوعام اراسىنداعى ىنتىماقتاستىقتىڭ, ونىڭ ىشىندە ازاپتاۋ فاكتىلەرىن قاراۋ جونىندەگى ۋاكىل جانىنداعى جۇمىس توبىندا ايتارلىقتاي تاجىريبە جيناقتالعان, – دەپ اتاپ ءوتتى ا.شاكىروۆ.
«ەگەمەن-اقپارات».