شىمكەنتتەگى جازاتايىم وقيعا ەكى جاسار قىزدىڭ ءومىرىن قيدى. بالا سەگىزىنشى قاباتتىڭ تەرەزەسىنەن قۇلاپ كەتتى, دەپ حابارلايدى Egemen.kz شىمكەنت قالالىق تجد ءباسپاسوز قىزمەتىنە سىلتەمە جاساپ.
قۇتقارۋشىلاردىڭ اقپاراتى بويىنشا, كوپ قاباتتى ءۇيدىڭ سەگىزىنشى قاباتىنىڭ تەرەزەسىنەن بالانىڭ قۇلاعانى تۋرالى اقپارات كەلىپ ءتۇستى.
قايعىلى وقيعا قاراتاۋ اۋدانىنىڭ «نۇرسات» شاعىن اۋدانىندا بولعان. الدىن الا مالىمەتتەر بويىنشا, اتا-اناسىنىڭ قاراۋىنسىز قالعان 2019 جىلى تۋعان قىز تەرەزەدەن ابايسىزدا قۇلاپ كەتكەن. بالا وقيعا ورنىندا قايتىس بولدى.
قۇتقارۋشىلار اتا-انالاردى بالالاردى قاراۋسىز قالدىرماۋعا شاقىرادى.
جىل باسىنان بەرى شىمكەنت اۋماعىندا بالالاردىڭ تەرەزەدەن قۇلاۋىنىڭ التى جاعدايى تىركەلدى. ءۇش جاعدايدا بالالار قايتىس بولسا, قالعان ۇشەۋىندە جاراقات الدى.