قازاقستاندا ءۇش اۋىسىمدى مەكتەپتەر سانى بويىنشا الماتى, ماڭعىستاۋ وبلىستارى مەن شىمكەنت كوشباسشى بولىپ شىقتى, دەپ جازادى Egemen.kz.
ەلىمىزدىڭ 147 ءبىلىم بەرۋ مەكەمەسىندە ساباق شامادان تىس جۇكتەلگەن. ياعني, 250 مىڭعا جۋىق بالا ءۇش اۋىسىمدا ءبىلىم الىپ جاتىر, دەپ حابارلايدى «31 ارنا».
ءۇشىنشى اۋىسىمدا وقيتىن وقۋشىلاردىڭ ساباعى 16:25-تە باستالادى. شىمكەنتتەگى ءبىرىنشى قالالىق مەكتەپتە 4 مىڭعا جۋىق وقۋشى وقيدى, ولاردىڭ 700-دەن استامى, ياعني جوعارى سىنىپ وقۋشىلارى ءۇشىنشى اۋىسىمدا وقيدى. شىمكەنتتە وسىنداي جۇكتەمەسى كوپ 9 مەكتەپ بار.
قالالىق ءبىلىم ءبولىمىنىڭ باسشىسى جانات تاجيەۆانىڭ ايتۋىنشا, وسىلايشا 40 وقۋشى ەمەس, تەك 25 وقۋشىدان تۇراتىن سىنىپ قۇرۋعا بولادى. وقۋ جىلى باستالعانعا دەيىن ءۇش اۋىسىمدا ءبىلىم الاتىن 14 مەكتەپ بولعان, بىراق 12 مىڭ ادامعا ارنالعان جاڭا مەكتەپتەر پايدالانۋعا بەرىلگەن. وعان وسىنداي ءۇش اۋىسىمدا وقيتىن وقۋشىلار مەن اپاتتى مەكتەپتە ءبىلىم الىپ جاتقاندار اۋىستىرىلعان.
ء«ۇش اۋىسىمدا وقيتىن مەكتەپتەر ءۇشىن بىرىككەن وقۋ باعدارلاماسىن قۇردىق. بالالار كەشكى 10-عا دەيىن وقيتىن مەكتەپتەر جوق. دەنە تاربيەسى, ءوزىن-ءوزى تانۋ, ەڭبەك, تاريح جانە باسقا دا قوسىمشا ساباقتار ونلاين رەجيمىندە وقىتىلادى», دەپ ءتۇسىندىردى تاجيەۆا.
ولار 2025 جىلعا قاراي قالاداعى ءۇش اۋىسىمدى مەكتەپتەر ماسەلەسىن تولىق شەشۋدى جوسپارلاپ وتىر. وسى ۋاقىت ارالىعىندا 72 ءبىلىم مەكەمەسى سالىنۋى كەرەك.