«الماتى وبلىسىنداعى جويقىن جەر سىلكىنىسى سالدارىنان تۋىنداعان توتەنشە جاعدايلاردى جويۋ كەزىندەگى ءىس-قيمىلدارعا ازاماتتىق قورعاۋ مەملەكەتتىك جۇيەسىنىڭ باسقارۋ ورگاندارىن, كۇشتەر مەن قۇرالدارىن دايىنداۋ» تاقىرىبىندا «جەر-2021» حالىقارالىق كوماندالىق-شتابتىق وقۋ-جاتتىعۋى وتەدى, دەپ جازادى Egemen.kz تجم ءباسپاسوز قىزمەتىنە سىلتەمە جاساپ.
وقۋ-جاتتىعۋ شاراسى 21-22 قىركۇيەك ارالىعىندا الماتى وبلىسىنىڭ تامعالى تاس شاتقالىندا قاپشاعاي قالاسىنان تومەن, «جارتاستى قالا-استانا» وقۋ-جاتتىعۋ پوليگونىندا وتەدى.
«شارا قر توتەنشە جاعدايلار ءمينيسترى يۋري ء يليننىڭ باسشىلىعىمەن ورىندالادى. وعان وبلىستاردىڭ, رەسپۋبليكالىق ماڭىزى بار قالالاردىڭ جانە استانانىڭ جەرگىلىكتى اتقارۋشى ورگاندارى – تج الدىن الۋ جانە جويۋ جونىندەگى كوميسسيالار, وبلىستىق, اۋداندىق جانە قالالىق ازاماتتىق قورعاۋ قىزمەتتەرى, قر تجم ۆەدومستۆولىق باعىنىستى بولىمشەلەرى, سونداي-اق ەلدەگى باسقا دا مينيسترلىكتەر مەن ۆەدومستۆولار, قىرعىزستان مەن وزبەكستان تجم توتەنشە ۆەدومستۆولارىنىڭ اۆاريالىق-قۇتقارۋ قىزمەتتەرى قاتىسادى», دەپ جازىلعان حابارلامادا.