قاتونقاراعاي اۋدانى اققاينار اۋىلىنىڭ جانىندا ورنالاسقان شۋ قورىمىن زەرتتەۋ بارىسىندا ءار ءتۇرلى جەر ءۇستى قۇرىلىسى بار ەلۋدەن اسا جەرلەۋ كەزىندەگى عۇرىپتىق ەسكەرتكىشتەر شوعىرلانعانى انىقتالدى, دەپ حابارلايدى Egemen.kz «بەرەل» مەملەكەتتىك تاريحي-مادەني قورىق-مۋزەيىنىڭ ءباسپاسوز قىزمەتىنە سىلتەمە جاساپ.
«وبالار تەمىر ءداۋىرىنىڭ ەرتە كەزەڭىنە جاتادى», دەيدى ماماندار.
مۇنداي بولجام جاساۋعا وباداعى جەرلەۋ عۇرپى نەگىز بولعان. وبانىڭ قابىر شۇڭقىرىندا ەكى كىسىنىڭ ءمايىتى قويىلعان, ءبىرىنشىسى - قارۋ-جاراق اسىنعان ءىرى دەنەلى ەر ادام. قارۋلاردىڭ ىشىندە قولا قانجارى جانە قولادان جاسالعان چەكان بار.
سونىمەن قاتار جەبەلەردى سالاتىن قورامساق, بەلدىككە ىلەتىن قولا ىلمەگى بار. جەبەلەرىنىڭ ۇشتارى سۇيەكتەن جاسالعان. ال, قالعاندارى قولا. بۇل جەردە قارۋلاردىڭ شىنايى ەمەستىگىن ايتا كەتۋ كەرەك, سەبەبى قارۋلار كىشىگىرىم كولەمدە جاسالعان.
ەكىنشى ءمايىت ەر ادامنان كەيىن جەرلەنگەن. ونىڭ كولەمى كىشىلەۋ. جامباس تۇسىنا تەرى, قالتاعا سالىنعان قولا اينا قويىلعان.
مايىتتەرمەن بىرگە قىش ىدىستارى جانە قويدىڭ قۇيىمشاعى قويىلعان. قىش ىدىستاردىڭ ەرنەۋىندە ورنەكتەرى بار.
اققاينار اۋىلىندا جۇرگىزىلىپ جاتقان ارحەولوگيالىق قازبا جۇمىستارىنىڭ جەتەكشىسى بەلگىلى ارحەولوگ - زەينوللا ساماشەۆ.