24-25 قىركۇيەكتە نۇر-سۇلتاندا قازاقستاننىڭ ىزدەۋ توپتارىنىڭ حالىقارالىق كونفەرەنتسياسى وتەدى. بۇل تۋرالى Atamnyn Amanaty قوعامدىق بىرلەستىگى باسشىسىنىڭ ورىنباسارى رايگۇل مۋشانوۆا حابارلادى, دەپ جازادى Egemen.kz.
«حالىقارالىق كونفەرەنتسيا رەسەيدىڭ ىزدەستىرۋ قوزعالىسىمەن بىرلەسىپ وتكىزىلەدى. ءبىز ءۇشىن بۇل العاش رەت ۇيىمداستىرىلىپ وتىرعان ماڭىزدى وقيعا. قازاقستاننىڭ تۇكپىر-تۇكپىرىنەن ىزدەۋشىلەر جانە رەسەيدەن 50-گە تارتا ىزدەۋشى كەلەدى», دەدى ول.
«كونفەرەنتسياداعى نەگىزگى ماسەلەلەردىڭ ءبىرى قازاقستاننىڭ ءبىرتۇتاس ىزدەۋ قوزعالىسىن قۇرۋعا ارنالادى. ىزدەۋ توپتارىن ءبىر رەسمي ۇيىمعا بىرىكتىرۋ ماسەلەسى بىرنەشە جىلدان بەرى تالقىلانىپ كەلەدى. بۇگىنگى كۇنى قازاقستاننىڭ ىزدەۋشىلەرى قاۋىمداستىعى قۇرىلدى, بىراق ءالى رەسمي تىركەلمەگەن. قازاقستاندا 10-عا جۋىق رەسمي ىزدەستىرۋ توبى بار جانە بارلىعى ءوز جوسپارىمەن جۇمىس ىستەيدى», دەپ اتاپ ءوتتى سپيكەرلەر.
ء«بىز بۇل كونفەرەنتسيا قازاقستاننىڭ كۇش-جىگەرى مەن ىزدەۋشىلەرىن بىرىكتىرۋ تۇرعىسىنان وڭ ناتيجە بەرەدى جانە رەسەيمەن جەمىستى ىنتىماقتاستىق ورناتامىز دەپ ۇمىتتەنەمىز», دەدى مۋشانوۆا.