كونكۋرستىق كوميسسيانىڭ قورىتىندىسىنا سايكەس الديار حالەلوۆ باتىس قازاقستان وبلىسىنىڭ تابيعي رەسۋرستار جانە تابيعات پايدالانۋدى رەتتەۋ باسقارماسىنىڭ باسشىسى بولىپ تاعايىندالدى, دەپ حابارلايدى Egemen.kz.
بقو اكىمىنىڭ ءباسپاسوز قىزمەتى ءمالىم ەتكەنىندەي, الديار سانسىزباي ۇلى 1958 جىلى دۇنيەگە كەلگەن. ءبىلىمى جوعارى. جامبىل گيدرومەليوراتيۆتى-قۇرىلىس ينستيتۋتىن ينجەنەر-گيدروتەحنيك ماماندىعى بوي̆ىنشا تامامداعان.
ءار جىلدارى باتىس قازاقستان وبلىسى پريۋرال اۋدانىنداعى جەلاەۆ اۋداندىق ارنايى اۋىل شارۋاشىلىعى بىرلەستىگىنىڭ اعا ينجەنەر-گيدروتەحنيگى, كاسىپوداق ۇيىمىنىڭ توراعاسى, م.مامەتوۆا اتىنداعى كولحوزى پارتيا كوميتەتىنىڭ حاتشىسى, ترەكين اۋىلدىق كەڭەسىنىڭ توراعاسى, ترەكين اۋىلدىق وكرۋگىنىڭ اكىمى بولىپ جۇمىس جاسادى.
سونداي-اق زەلەنوۆ اۋدانى اكىمىنىڭ ورىنباسارى, شىڭعىرلاۋ جانە ءبورلى اۋداندارىنىڭ اكىمى بولدى. 2018 جىلدان بۇگىنگى كۇنگە دەيىن تاسقالا اۋدانىنىڭ اكىمى قىزمەتىن اتقاردى.